उद्रेक न्युज वृत्त
नागपूर :- गर्भवती असल्याची माहिती लपवून ठेवणाऱ्या अल्पवयीन मुलीने यूट्यूब पाहून स्वत:च प्रसूती करून बाळाला जन्म दिल्याची धक्कादायक घटना शुक्रवारी नागपूरच्या अंबाझरी पोलिस स्टेशनच्या हद्दीत उघडकीस आली आहे.हा प्रकार जेव्हा अल्पवयीन मुलीच्या आईला कळला तेव्हा त्या मुलीला लगेच रुग्णालयात भरती करण्यात आले.सध्या मुलीची प्रकृती चिंताजनक असून तिच्यावर शासकीय रुग्णालयात उपचार सुरू आहे.मात्र,अशा प्रकारे युट्यूबवर प्रसूतीचा प्रयत्न करणे हे धोकादायक असून मुलींच्या जीवावर बेतू शकते.
सोशल मीडियावर ओळख झालेल्या मित्राने अत्याचार केल्यानंतर एक पंधरा वर्षाची मुलगी गर्भवती राहिली. तिने ही माहिती घरच्यांपासून लपवून ठेवली.नंतर युट्यूब पाहून पंधरा वर्षीय अल्पवयीन मुलीने स्वत:च प्रसूती करून बाळाला जन्म दिला.प्रसूती झाली तेव्हा ती घरी एकटी होती.आई घरी आली तेव्हा तिला हा प्रकार कळताच मुलीला रुग्णालयात नेण्यात आले. दरम्यान,पोलिसांनी मुलीच्या आईचा मोबाईल तपासला असता तिने हे धाडस युट्यूब बघून केले असावे असा पोलिसांचा अंदाज आहे.मात्र,अल्पवयीन मुलीने अजून तरी याबद्दल पोलिसांना कोणतीही माहिती दिली नसल्याचे पोलिसांनी स्पष्ट सांगितले आहे.पोलिसांनी दिलेल्या माहितीनुसार, इन्स्टाग्रामवरून संबंधित मुलगी आरोपीच्या संपर्कात आली.त्यानंतर एक दोन महिन्याच्या चॅटिंगनंतर आरोपी मुलाने मुलीला एका परिसरात बोलावून तिच्याशी शरीरसंबंध ठेवले.यातूनच ती मुलगी गर्भवती झाली.मात्र, मुलीने जन्म दिलेल्या बाळाचा मृतदेह संशयास्पद ठिकाणी आढळला असल्याने घटनेला नवे वळण आले आहे. अशा प्रकारे युट्यूबवर प्रसूतीचा प्रयत्न करणे हे धोकादायक असून मुलींच्या जीवावर बेतू शकते असे तज्ञांचे मत आहे.कारण प्रसूती काळात काही लिटर ब्लड हे मातेच्या शरीरातून बाहेर जाते.तसेच,बाळाची नाळही आईच्या गर्भाशी जुळलेली असते त्यामुळे हा खूप गंभीर प्रकार असून मुलीने एकटीने हे सर्व केले असावे यावर डॉक्टरांचा विश्वास नाही. तसेच,आपल्याकडे कायदे आहेत पण त्याची नीट अंमलबजावणी होत नसल्याने हे प्रकार घडत असल्याचे तज्ज्ञांचे मत आहे.प्रसूती आणि गर्भपात करणे हे दोन्ही धक्कादायक प्रकार मुलींनी करू नये;असा सल्ला डॉक्टरांनी दिला आहे.
