पोलीस विभागात खळबळ; सहाय्यक पोलिस निरीक्षकाने संपवली जीवनयात्रा..

ज्ञानेश्वर झोल यांनी पीसीएमटीच्या शासकीय निवासस्थानी आत्महत्या केल्याची माहिती मिळताच पोलिसांनी घटनास्थळी धाव घेतली.पोलिसांनी आत्महत्या केलेल्या पोलिस अधिकाऱ्याचा मृतदेह ताब्यात घेऊन शवविच्छेदनासाठी पाठवला.पोलिस अधिकारी ज्ञानेश्वर झोल यांनी आज रविवारच्या मध्यरात्री बारा ते एक वाजाताच्या सुमारास आत्महत्या केली. पोलिस अधिकाऱ्यासारख्या वरिष्ठ आणि जबाबदार व्यक्तीने असे टोकाचे पाऊल उचलल्यामुळे नागपूर पोलिस दलात एकच खळबळ उडाली आहे.झोल यांनी आत्महत्येसारखे टोकाचे पाऊल कां उचलले,हे अद्याप स्पष्ट झाले नसून पोलिसांकडून तपास सुरू करण्यात आला आहे.ज्ञानेश्वर झोल यांनी आत्महत्या केल्याने कुटुंबीयांना मोठा मानसिक धक्का बसला आहे.