पीएम किसानचा हप्ता बंद झालाय; टेन्शन घेऊ नका.. – आता प्रत्येक जिल्ह्यात एक विशेष नोडल अधिकारी नियुक्त..

उद्रेक न्युज वृत्त :- ‘पंतप्रधान किसान सन्मान योजना’ ही केंद्र सरकारची महत्वकांक्षी योजना आहे.

लहान शेतकऱ्यांना आर्थिक मदत देणे हे त्याचे उद्दिष्ट आहे.या योजनेअंतर्गत,पात्र शेतकऱ्यांना दरवर्षी ६ हजार रुपये दिले जातात.सरकार दर चार महिन्यांनी शेतकऱ्यांना २ हजार रुपयांची आर्थिक मदत थेट त्यांच्या बँक खात्यात जमा केली जाते.सदरची योजना ही १ डिसेंबर २०१८ रोजी सुरू करण्यात आली.याचा लाभ २ हेक्टरपर्यंत शेत जमीन असलेल्या शेतकऱ्यांना मिळत असून शेतकऱ्यांचे उत्पन्न वाढण्यास आणि त्यांची आर्थिक स्थिती सुधारण्यास थोडीफार मदत होत असते.त्यातच आता शासनाने योजनेत काही बदल करीत सदरच्या बदलांमुळे शेतकऱ्यांची मोठी सोय होईल.यानंतर, ज्या शेतकऱ्यांना कोणत्याही कारणास्तव हप्ता मिळत नाही,त्यांना आता काळजी करण्याची गरज नाही. शासनाने प्रत्येक जिल्ह्यात एक विशेष नोडल अधिकारी नियुक्त केला आहे.या संदर्भात त्यांच्या मोबाईल नंबरवर किंवा ई-मेलवर तक्रार करू शकता.  घरी बसून आरामात नोडल अधिकाऱ्यांचे नंबर आणि ई-मेलची माहिती ऑनलाइन मिळवू शकता.