उद्रेक न्युज वृत्त
पुणे :- पुण्यातील हिट अँड रन प्रकरणाची सध्या जोरदार चर्चा सुरु आहे.पुण्यातील कल्याणी नगर परिसरात बिल्डरच्या मुलाने पोर्शे करणे दोघांना चिरडले असल्याची घटना ताजी असतानाच आता पुण्यातील शिरुर तालुक्यातही असाच एक प्रकार घडल्याचे समोर आले आहे.एका पोलीस पाटलाच्या अल्पवयीन मुलीने पिकअप वाहन चालवताना दुचाकीस्वारास धडक दिली.यामुळे एकाचा मृत्यू झाला आहे.तर एक गंभीर जखमी झाला आहे.
प्राप्त माहितीनुसार,पुण्यातील शिरुर तालुक्याच्या अरणगावातील पोलिस पाटील संतोष लेंडे यांची अल्पवयीन मुलगी पिकअप वाहन चालवत होती.त्यावेळी तिच्या सोबत शेजारच्या सीटवर पोलिस पाटील संतोष निवृत्ती लेंडे बसले होते.यावेळी तिने पिकअप भरधाव वेगात चालवून दुचाकीला समोरुन धडक दिली.ही धडक इतकी गंभीर होती की,मालवाहू पिकअपने दुचाकीला २० ते ३० फूट फरफटत नेले.
या अपघातात दुचाकी चालक अरुण मेमाने यांचा जागीच मृत्यू झाला.तर महिंद्र बांडे हा जखमी झाला. या प्रकरणी शिक्रापूर पोलीस ठाण्यात गुन्हा दाखल करण्यात आला आहे.गेल्या काही दिवसांपासून पुण्यातील अपघातांच्या संख्येत वाढ होत आहे. यामुळे पोलीस प्रशासनावर प्रश्न उपस्थित केले जात आहे.
