पाणी पिण्याच्या बहाण्याने युवती सोबत जबरजस्ती करणाऱ्या तरुणास बेड्या..

नागपूर :-ओळखीच्या संधीचा फायदा घेत पाणी पिण्याच्या बहाण्याने घरात गेला आणि जबरजस्तीने शारीरिक संबंध प्रस्थापित केले.प्रकरणी १९ वर्षीय युवतीच्या तक्रारीवरून २२ वर्षीय आरोपीस हिंगणा पोलिसांनी बेड्या ठोकल्या आहेत.पीडित युवती ही वर्धा येथील रहिवासी असून सध्या स्थितीत नागपूरच्या हिंगणा परिसरात राहून गुमगाव येथील एका कंपनीत काम करते.त्यातच २२ वर्षीय आरोपी हितेंद्र संतलाल मंडलिये हा भंडारा येथील रहिवासी असून हल्ली त्याचे मुक्काम हिंगणा परिसरात होते.पिडीत युवती व आरोपी दोघेही एकाच कंपनीत काम करायचे.दोघेही सोबत काम करीत असल्यामुळे त्यांची चांगली ओळख होती.दरम्यान,युवती चार दिवसांपूर्वी म्हणजेच मंगळवार १० जून २०२५ रोजी वर्धा येथून बसने हिंगण्याला आली.रात्रीचे १० वाजल्याने व गावाहून सामान घेऊन आल्याने तिने आरोपी हितेंद्रला हिंगणा परिसरातील घरी सोडण्याची विनंती केली.हितेंद्रने दुचाकीवरून घरी सोडले.तेथे त्याने तहान लागल्याची बतावणी केली.त्यामुळे युवती भोळ्या पणात जाऊन पाणी आणण्यासाठी आतमध्ये गेली.तितक्यात आरोपी हितेंद्र हाही आतमध्ये गेला व तेथे त्याने जबरदस्ती करून युवतीसोबत शारीरिक संबंध प्रस्थापित केले.या प्रकरणी पीडित युवतीच्या तक्रारीवरून हिंगणा पोलीस ठाण्यात हितेंद्र विरुद्ध गुन्हा दाखल करून त्यास अटक करण्यात आली आहे.प्रकरणाचा पुढील तपास हिंगणा ठाण्याचे सहाय्यक पोलीस उपनिरीक्षक अरविंद नाईक करीत आहेत.