नाली बांधकामाच्या सांडपाण्यात आढळला मृतावस्थेत नवजात बाळ..

नागपूर :-जिल्ह्याच्या कुही तालुक्यातील

मांढळ येथे काळजाला धडकी भरवणारी घटना काल रविवारी उघडकीस आली.मांढळच्या वॉर्ड क्रमांक ४ मधील बनविण्यात येत असलेल्या नाली बांधकामाच्या सांडपाण्यात एक मृतावस्थेतील नवजात बाळ आढळून आल्याने परिसरात एकच खळबळ माजली.

बांधकाम सुरू असलेल्या नालीतील पाण्यात नवजात बाळ तरंगत असल्याचे लक्षात येताच नागरिकांनी याबत पोलिसांना माहिती दिली.पोलिसांनी लगेच पाहणी करून बाळाला चंद्रशेखर घुटके यांच्या मदतीने पाण्यातून बाहेर काढले व स्थानिक प्राथमिक आरोग्य केंद्रात नेले.सदरचे बाळ नवजात असून मुलगी असल्याचे डॉक्टरांनी स्पष्ट केले.विल्हेवाट लावण्याच्या उद्देशाने कुणीतरी बाळ नालीत फेकले असावे,अशी शक्यता व्यक्त केली जात आहे.याप्रकरणी कुही पोलिसांनी अज्ञातांवर गुन्हा नोंदवून नवजात बाळ फेकणाऱ्यांचा शोध सुरू केला आहे.घटनेचा पुढील काही पोलीस ठाण्याचे सुधीर ज्ञानबोंडवार करीत आहेत.