उद्रेक न्युज वृत्त
नागपूर :- नागपूरमध्ये वकील बाप आणि मुलाने दारूच्या नशेत जेष्ठ नागरिकाची हत्या केल्याची घटना उघडकीस आली आहे.दारू पिताना झालेल्या वादात ६० वर्षीय वयोवृद्धाची हत्या करण्यात आली. जरीपटका पोलीस स्टेशनच्या हद्दीत ही धक्कादायक घटना घडली आहे. या घटनेमुळे नागपूरात मोठी खळबळ उडाली आहे.सदर प्रकरणी आरोपी बाप आणि मुलाला अटक करण्यात आली आहे.
पेशाने वकील असलेले अश्विन वासनिक मृतक हरीश कराडे यांचे कामगार न्यायालयात प्रकरण सांभाळत होते.दोघेही एकाच भागात राहत असल्यामुळे त्यांची मैत्री होती.एकमेकांकडे येणे-जाणे सुरू होते.घटनेच्या दिवशीही काल,सोमवारी पहाटे २७ मे रोजी हरीश कराडे अश्विनच्या घरी रात्री दारू प्यायला बसलेले होते.दरम्यान दारू पीत असताना हरीश आणि अश्विन या दोघांमध्ये वाद झाला.अश्विन वासनिकचा मुलगा अविष्कार हा सुद्धा तेथे आला.वकील बाप लेकाने मिळून हरीशला कुऱ्हाडीच्या लोखंडी दांड्याने जोरदार मारहाण केली.यात हरीश कराडेचा मृत्यू झाला.हरीश दिवाकर कराडे,असे मृतक व्यक्तीचे नाव आहे. ते वायूसेनेतून निवृत्त झाल्यानंतर एका कंपनीत काम करीत होते.
