नक्षलवाद्यांच्या आयईडी स्फोटात अतिरिक्त पोलिस अधीक्षक शहीद..

उद्रेक न्युज वृत्त :-छत्तीसगडमध्ये नक्षलविरोधी कारवायांचा सपाटा सुरू असल्याने मोठमोठ्या नक्षली नेत्यांचा खात्मा करण्यात आला आहे.त्यामुळे नक्षलवाद्यांचे कंबरडे मोडू लागलेत.अश्यातच नक्षलींचे वर्चस्व कमी होऊ लागल्याने नक्षल्यांकडून भारत बंदचे आवाहन करण्यात आले आहे.त्यातच उद्या, मंगळवार १० जून रोजी भारत बंदच्या आवाहनाच्या पार्श्वभूमीवर नक्षलवाद्यांच्या अनुचित घटनांना पायबंद घालण्यासाठी आज,सोमवार ९ जून रोजी सकाळच्या सुमारास अतिरिक्त पोलिस अधीक्षक (एएसपी)आकाश राव गिरीपुंजे हे छत्तीसगडच्या सुकमा जिल्ह्यातील दोंड्रा गावाजवळील परिसरात पायी गस्त घालत होते. यादरम्यान नक्षलवाद्यांनी पेरलेल्या आयईडीचा (IED) स्फोट झाला,ज्यात आकाश राव गिरीपुंजे यांचेसह अनेक सैनिक जखमी झाले आहेत.जखमींना कोंटा रुग्णालयात नेण्यात आले असून गिरीपुंजे यांनाही गंभीर जखमी अवस्थेत रुग्णालयात दाखल करण्यात आले. मात्र, उपचारादरम्यान त्यांचा मृत्यू झाला.घटनेनंतर परिसरात शोध मोहीम वाढविण्यात आली आहे.