देसाईगंजची नमिरा बुरबुरे ऑलिम्पियाडमध्ये राज्यात अव्वल..

देसाईगंज(गडचिरोली):-नुकताच इंटरनॅशनल सायन्स ऑलिम्पियाड २०२५-२६ च्या अंतिम परीक्षेचा निकाल जाहीर झाला.या परीक्षेत देसाईगंज येथील जेजानी स्कूल ऑफ स्कॉलर या शाळेतील इयत्ता तिसरीत शिकणारी नमिरा रमेश बुरबुरे हिने सायन्स विषयात राज्यात चौथा क्रमांक मिळवून उल्लेखनीय यश संपादन केले आहे. तिच्या या यशाबद्दल तिला १ हजार रुपयांची शिष्यवृत्ती जाहीर करण्यात आली आहे.येत्या जून महिन्यात प्रमाणपत्र व शिष्यवृत्तीचे वितरण होणार आहे.नमिराच्या या यशाबद्दल शाळेचे संस्थापक,मुख्याध्यापिका तसेच वर्गशिक्षिका यांनी नमिराचे अभिनंदन केले आहे.तिच्या या कामगिरीमुळे शाळेच्या शिरपेचात मानाचा तुरा रोवला गेला असून पालकवर्गातून नमिरावर कौतुकांचा वर्षाव केला जात आहे.