उद्रेक न्युज वृत्त
मुख्य संपादक/सत्यवान रामटेके
देसाईगंज(गडचिरोली) :- सध्याच्या घडीला तसेच यापूर्वी गडचिरोली जिल्ह्याच्या अनेक तालुक्यात मोठ्या प्रमाणावर प्रधानमंत्री आवास योजना,मोदी आवास योजना,रमाई आवास योजना,शबरी घरकुल योजना तसेच इतर योजनेच्या माध्यमातून अनेक लाभार्थ्यांना घरकुल मंजूर करण्यात आले.घरकुल मंजूर तर करण्यात आले; मात्र जिल्ह्यात दोन ते तीन वर्षांपासून रेती घाटांची लिलाव प्रक्रिया रखडल्याने घरकुल लाभार्थ्यांना बांधकामासाठी रेतीचा प्रश्न नेहमी भेडसावत होता.अशातच गडचिरोली जिल्हाधिकाऱ्यांकडे घरकुल लाभार्थ्यांना पाच ब्रास मोफत रेतीचा मुद्धा उपस्थित केल्यानंतर जिल्ह्यातील तालुक्यात घरकुल लाभार्थ्यांना पाच ब्रास विना मूल्य रेती मिळू लागली.त्यानुसार काही दिवसांपूर्वी देसाईगंज शहराचे भाजपा शहराध्यक्ष तथा माजी नगरसेवक सचिन खरकाटे यांनी देसाईगंज तहसीलचे तहसीलदार प्रीती डूडूलकर यांना शहराच्या जुनी वडसा येथील घरकुल लाभार्थ्यांना पाच ब्रास विना मूल्य रेती बाबत चर्चा करून लवकरात-लवकर याचा लाभ लाभार्थ्यांना देण्यात यावा; अशी मागणी केली. त्यानुसार तहसीलदार यांनी विलंब न लावता जुनी वडसा येथील ३९१ घरकुल लाभार्थ्यांना प्रत्येकी पाच ब्रास विना मूल्य रेती मंजूर करण्यात आली.त्यानुसार आज दिनांक-१५ जून ला जुनी वडसा येथील लाभार्थ्यांना वैनगंगा नदी घाटातून विना मूल्य पाच ब्रास रेतीचे वाटप करण्यात येत आहे.सचिन खरकाटे यांनी मागणी केलेल्या प्रयत्नांना यश आल्याने गावातील घरकुल लाभार्थ्यांनी त्यांचे आभार मानले आहे.
गावातील लाभार्थ्यांना पाच ब्रास विना मूल्य रेतीचे वाटप करतेवेळी भारतीय जनता पक्षाचे देसाईगंज शहराध्यक्ष तथा माजी नगरसेवक सचिन खरकाटे, गावातील पोलीस पाटील अविकांत बोदले,कोतवाल आशुतोश हेडाऊ,रमेश सहारे,ताराचंद पत्रे,ताजुल उके, अधिकनाथ कांबळे व गावकरी उपस्थीत होते.
