गॅस सिलेंडरधारक ग्राहकांसाठी दिलासा; ई-केवायसी करण्यास मुदतवाढ..

उद्रेक न्युज वृत्त :-घरगुती गॅस सिलेंडर वापरणाऱ्यांसाठी दिलासादायक बातमी असून एलपीजी गॅस कनेक्शनची ई-केवायसी करण्यास मुदतवाढ देण्यात आली आहे.गॅस सिलिंडरचा काळाबाजार रोखण्यासाठी आणि साठेबाजी उघड करण्यासाठी केंद्र सरकारने सार्वजनिक क्षेत्रातील गॅस कंपन्या जसे की,इंडेन,एचपी आणि भारत गॅसच्या ग्राहकांसाठी स्वयंपाकाच्या घरगुती गॅस सिलिंडरसंबंधीच्या नियमांत बदल केले आहेत.चालू ऑगस्ट महिन्यापासून गॅस कनेक्शनची ई-केवायसी

प्रक्रिया पूर्ण असणे बंधनकारक केले आहे.ज्या ग्राहकांनी ई-केवायसी प्रक्रिया म्हणजेच आधारप्रमाणीकरण केलेले नाही; अशा गॅस सिलिंडरधारकांची जोडणी रद्द करण्यात येणार असल्याचे स्पष्ट करण्यात आले होते.त्यानुसार,

या आधी ई-केवायसी करण्याची शेवटची तारीख ही रविवार १६ ऑगस्ट २०२६ होती.जी वाढवून आता २३ ऑगस्ट २०२६ करण्यात आली आहे.तांत्रिक बाबी तसेच ई-केवायसीसाठी ग्राहकांची वाढती गर्दी लक्षात घेता सदरची मुदत आता २३ ऑगस्टपर्यंत वाढविण्यात आली आहे.मुदतवाढ मिळाल्यामुळे गॅस सिलेंडरधारक ग्राहकांना आठवडाभराचा वेळ मिळाला आहे.त्यामुळे ज्यांनी अद्यापही ई-केवायसी केलेली नाही; अशांनी तात्काळ ई-केवायसी करून घ्यावी.