खर्रा,तंबाखूची पिचकारी मारणे पडली महागात – १७ कर्मचाऱ्यांवर दंडात्मक कारवाई…

चंद्रपूर :-तंबाखू चघळून जागोजागी पिचकाऱ्या मारणाऱ्या जिल्हा परिषदेतील १७ कर्मचाऱ्यांवर दंडात्मक कारवाई करण्यात आली.त्यांच्याकडून दोन हजार सातशे रुपयांचा दंड वसूल करण्यात आली. यानिमित्ताने अधिकाऱ्यांना राष्ट्रीय तंबाखू नियंत्रण कार्यक्रमाची औपचारिकता पार पाडली.शासकीय कार्यालयात कानाकोपाऱ्यांत तंबाखू तसेच खर्रा यांच्या पिचकाऱ्या जागोजागी मारलेल्या असताता; कर्मचारी कामावर असताना तंबाखू खातात.मात्र, त्यांच्यावर कधीच कारवाई केली जात नाही.राष्ट्रीय तंबाखू नियंत्रण कार्यक्रमाच्या निमित्ताने कारवाईचा देखावा निर्माण केला जातो.अशीच औपचारिकता जिल्हा परिषदेत नुकतीच पार पडली.वेगवेगळ्या विभागांत तंबाखूचे सेवन करणारे कर्मचारी आणि नागरिक अशा एकूण १७ जणांवर तंबाखू नियंत्रण कायद्यातंर्गत कारवाई करण्यात आली.