उद्याला सहपालकमंत्री ॲड.आशिष जयस्वाल आरमोरीत..

गडचिरोली :-राज्याचे वित्त व नियोजन,कृषी,मदत व पुनर्वसन,विधि व न्याय,कामगार राज्यमंत्री तथा जिल्ह्याचे सहपालकमंत्री ॲड.आशिष जयस्वाल उद्या  १५ मे २०२५ रोजी गडचिरोली जिल्ह्याच्या दौऱ्यावर येत आहेत.त्यानुसार उद्या,गुरुवार १५ मे रोजी दुपारी १ वाजता आरमोरी येथे आगमन व अमृत योजना २.० अंतर्गत आरमोरी शहर पाणीपुरवठा योजनेच्या भूमिपूजन कार्यक्रमास उपस्थिती.दुपारी २ वाजता मौजा मानापुर,ता.आरमोरी येथे आगमन व जंगली हत्तीमुळे नुकसानग्रस्त झालेल्या गावाची पाहणी. दुपारी २.३० वाजता मानापूर येथून गडचिरोलीकडे प्रयाण.दुपारी ३ वाजता जिल्हा नियोजन भवन गडचिरोली येथे आगमन व जिल्हास्तरीय खरीप आढावा बैठकीस उपस्थिती. सायंकाळी ६ वाजता नियोजन भवन येथे पत्रकारांशी संवाद व ६.३० वाजता शासकीय विश्रामगृह येथे आगमन व राखीव. त्यानंतर सायंकाळी ७.३० वाजता रामटेककडे प्रयाण करतील.