उद्रेक न्युज वृत्त
ब्रम्हपुरी :- ब्रह्मपुरी येथील कॉलेज रोडवरील लक्ष्मीनारायण मंदीराजवळ एका तरुणीचा हतोडीने खुन करण्याचा प्रयत्न करणाऱ्या युवकाला ब्रह्मपुरी पोलिसांनी पकडून त्याच्यावर गुन्हा नोंद करण्यात आला.
प्राप्त माहितीनुसार ८ मार्चला म्हणजे जागतिक महिलादिनी दुपारी २ दरम्यान पीडित मुलगी ही आपल्या आईसोबत ब्रह्मपुरीवरून बोंडेगावकडे जात असताना कॉलेज रोडवर असलेल्या लक्ष्मीनारायण मंदीराजवळ आरोपी लवेश वामन देउळकर रा.नान्होरी याने आपल्याजवळील हतोडीने युवतीचा जीव घेण्याच्या विचाराने तीच्या डोक्यावर वार करून जखमी केले.मात्र,जवळपास उभे असलेल्या लोकांनी प्रसंगावधान दाखवत त्यास पकडून घेतले.पोलिसांना याबाबत माहिती दिली असता ब्रह्मपुरी पोलिस ठाण्याचे पोलिस हवालदार सचिन बारसागडे हे त्याच भागात असल्याने त्यांनी लगेच घटनास्थळी जाउन आरोपीस ताब्यात घेतले.
पीडित मुलीची वैद्यकिय उपचारानंतर तिने पोलिस ठाण्यात येउन तक्रार दिली.त्यात आरोपी हा तिचे आईचा मानलेला भाऊ असून तीला वेगवेगळ्या नंबरवरून वांरवार फोन करून त्रास देउन लग्नाची मागणी घालत होता.परंतु तीची आई त्याला भाउ मानत असल्याने तीने नकार देउन फोन न करण्याबाबत वारंवार बजावले होते.त्यामुळे त्या रागातून त्याने तीचेवर जिवघेणा हल्ला केलेला असल्याचे तक्रारीत म्हटले आहे.
पीडीत मूलीचे तक्रारीवरून आरोपीविरूध्द कलम ३०७, ३५४ (ड) भा.दं.वि.सहकलम ३(२) (व्ही) अ.जा.अ.ज.अ.प्र.का.प्रमाणे गुन्हा नोंद करण्यात आलेला असून आरोपीस अटक करण्यात आलेली आहे.सदर गुन्हयाचा तपास मल्लीकार्जून इंगळे सा. उप विभागीय पोलिस अधिकारी कार्या.मूल अतिरिक्त कार्यभार ब्रम्हपूरी हे करीत आहेत.
