अज्ञात महिलेने उपमुख्यमंत्री देवेंद्र फडणवीसांच्या मंत्रालय कार्यालयात केली तोडफोड …

मुंबई :-उपमुख्यमंत्री तथा राज्याचे गृहमंत्री देवेंद्र फडणवीस यांच्या मंत्रालयातील कार्यालयात एका अज्ञात महिलेने तोडफोड केल्याची घटना उघडकीस आली आहे.काल संध्याकाळी उशिरा ही घटना घडली.एका अज्ञात महिलेने देवेंद्र फडणवीस यांच्या मंत्रालयातील कार्यालयाच्या बाहेर असलेली पाटी देखील फोडून फेकली.या प्रकरणाची आता पोलिस आयुक्तांनी गंभीर दखल घेत तपास सुरू केला आहे.काल संध्याकाळी मुंबईत झालेल्या पावसामुळे सर्व कर्मचाऱ्यांना घरी जाण्याची घाई होती.त्याच वेळेस एका अज्ञात महिलेने देवेंद्र फडणवीस यांच्या कार्यालयाबाहेरील पार्टी काढून फोडून फेकून दिली.त्यानंतर ही महिला फडणवीस यांच्या कार्यालयात देखील घुसली.या महिलेने कार्यालयातील झाडांच्या कुंड्या देखील फोडल्या.यावेळी महिलेने जोरात आरडाओरोड केली.मात्र,या मागचे नेमके कारण अद्याप समजू शकले नाही.त्यानंतर ही महिला तेथून पसार झाली.