अखेर लाडक्या बहिणींच्या खात्यात दीड हजार जमा होण्याचा मार्ग मोकळा..

उद्रेक न्युज वृत्त :-रक्षाबंधन सणाच्या पार्श्वभूमीवर महाराष्ट्र सरकारच्या ‘मुख्यमंत्री-माझी लाडकी बहीण’ योजनेतील पात्र लाभार्थी महिलांसाठी आनंदाची बातमी समोर आली आहे.महायुती सरकारने माहे-जुलै-२०२६ च्या हप्त्याच्या वितरणासाठी मोठा निर्णय घेत सामाजिक न्याय व विशेष सहाय्य विभागाकडून तब्बल ३४४.७४ कोटी रुपयांचा निधी महिला व बालविकास विभागाकडे वळती केला आहे.यासंदर्भातील अधिकृत शासन निर्णय सामाजिक न्याय व विशेष सहाय्य विभागाने काल सोमवारी जारी केला.त्यामुळे,पात्र लाभार्थी महिलांच्या बँक खात्यात थेट पैसे जमा होण्याची शक्यता वर्तवली जात आहे.प्रशासकीय स्तरावर निधी हस्तांतरणाचा शासन निर्णय निघाल्यामुळे बँक व्यवहारांची प्रक्रिया युद्धपातळीवर सुरू आहे.त्यामुळे,महिलांच्या मोबाईलवर हप्ता जमा झाल्याचे मॅसेज येण्यास सुरुवात होईल.विशेष म्हणजे,येत्या दोन दिवसांत थेट लाभहस्तांतरणाची प्रक्रिया पूर्ण केली जाण्याची शक्यता असल्याने ऐन सणासुदीच्या दिवसांत राज्यातील पात्र लाभार्थी महिलांना मोठा दिलासा मिळणार आहे.