अखेर ‘त्या’ अनोळखी व्यक्तीची ओळख पटली… – देसाईगंज तालुक्याच्या शिवराजपुर-उसेगाव शेतशिवारात गळफास घेऊन केली होती आत्महत्या..

देसाईगंज(गडचिरोली):-देसाईगंज तालुक्याच्या शिवराजपुर-उसेगाव शेतशिवारातील कुसुम येलतुरे यांच्या शेताजवळ एका अज्ञात इसमाने गळफास घेऊन आत्महत्या केल्याची घटना काल,शनिवारी १९ ऑक्टोंबरच्या दुपारी उघडकीस आल्याने परिसरात एकच खळबळ उडाली होती.

सध्या धान कापणीचा हंगाम सुरू असल्याने परिसरातील शेतकरी शेत बांधावर गेले होते.अशातच काही शेतकऱ्यांना एक अज्ञात इसम शिवराजपुर-उसेगाव शेतशिवारातील कुसुम येलतुरे यांच्या शेताजवळील एका झाडाला लटकलेल्या अवस्थेत दिसून आला.काहींनी जवळ जाऊन बघितले असता,अनोळखी इसमाने दोरीच्या सहाय्याने गळफास घेऊन आपली जीवन यात्रा संपविली असल्याचे लक्षात आले.लगेच नागरिकांनी याबाबत देसाईगंज पोलीस ठाण्याला माहिती दिली.देसाईगंज पोलिसांनी घटनास्थळ गाठून पंचनामा केला व मृतदेह उत्तरीय तपासणीसाठी देसाईगंज ग्रामीण रुग्णालयात दाखल केले.रात्री पर्यंत इसमाची ओळख पटलेली नसल्याने देसाईगंज पोलिसांपुढे मोठे आवाहन होते. त्यानुसार ठाणेदार अजय जगताप यांच्या मार्गदर्शनाखाली महिला पोलिस उपनिरीक्षक माने,बिट अंमलदार मदन मडावी व सहकारी पोलिसांनी तपासाची चक्रे फिरवीत अखेर आज,रविवारी २० ऑक्टोंबरला अनोळखी इसमाची ओळख पटली.

विकास अशोक गुरूनुले वय २८ वर्षे रा.सरडपार, ता.सिंदेवाही,जि.चंद्रपूर असे गळफास घेऊन आत्महत्या केलेल्या इसमाचे नाव आहे.विकास हा आरमोरी तालुक्याच्या रामाळा येथील सासुरवाडीला आला होता.त्याची पत्नी बाहेरगावी कामाला गेली होती. अशातच त्याने काल,शनिवारी १९ सप्टेंबरच्या दुपारी गळफास कां घेतला? हे अद्यापही गुलदस्त्यात असून पुढील तपास कुरुड-कोंढाळा बिट अंमलदार मदन मडावी हे करीत आहेत.