विद्यार्थिनीवर वाईट नजर ठेवणाऱ्या शिक्षकास मध्यरात्री अटक..!

गोंदिया :-शालेय शिक्षण घेत असतांना आई-वडीलांनंतर ज्याला आपण गुरू मानतो,तोच गुरू शाळेतील विद्यार्थिनीवर वाईट नजर ठेवत असेल तर इतके मोठे घोर ‘पाप’ या जगात कुठेही नाही; असे म्हणणे चुकीचे ठरणार नाही.असाच प्रकार गोंदिया जिल्ह्याच्या तिरोडा शहरातील नामवंत हायस्कूलमध्ये घडला असून प्रकरणी त्या शिक्षकावर काल,सोमवारच्या मध्यरात्री १ वाजेच्या सुमारास अटक करून बाललैंगिक अधिनियमान्वये अत्याचारचा गुन्हा दाखल करण्यात आला आहे.सुनील आत्माराम शेंडे वय ५२ वर्षे,रा.गांधी वॉर्ड, तिरोडा असे त्या आरोपी शिक्षकाचे नाव आहे.

सुनील शेंडे हा तिरोडा शहरातील एका नामवंत शाळेत एनसीसी शिक्षक पदावर कार्यरत असून,दहाव्या वर्गातील १५ वर्षीय पीडित मुलीशी अश्लील चाळे करायचा.मुलगी शाळेत गेल्यावर आरोपी शेंडे तिला आपल्या ऑफिसमध्ये बोलवायचा.गुरुवारी १६ जानेवारीला पिडीत मुलगी सकाळी ८.३० वाजता शाळेत गेली असता आरोपीने आपल्या ऑफिसमध्ये बोलावून तिचा हात पकडला.त्यानंतर त्याच दिवशी सायंकाळी ५.३० वाजता ऑफिसमध्ये तिचा उजवा हात पकडला.त्याच्या हाताला झटका देत ती मुलगी ऑफिसच्या बाहेर गेली.संधी मिळेल त्या ठिकाणी तो तिला पकडून तिच्याशी अश्लील चाळे करायचा. पीडित मुलीच्या तक्रारीवरून तिरोडा पोलिसांनी भारतीय न्यायसंहिता कलम ७४,७५ (१) (१) सहकलम ८,१२ बाल लैंगिक अत्याचार अधिनयमान्वये गुन्हा दाखल केला आहे.

आरोपी शिक्षक सुनील शेंडे हा एनसीसीचा सराव करण्याच्या नावावर दर शनिवारी व रविवारी विद्यार्थ्यांना बोलवत होता.या सरावाच्या नावावर आरोपी त्या विद्यार्थिनीशी अश्लील चाळे करायचा.हे विशेष.