युवा कवी प्रभाकर दुर्गे यांचा सत्कार… – यवतमाळच्या आर्णी तालुक्यात जिल्हास्तरीय एक दिवसीय कवीसंमेल संपन्न..

गडचिरोली :-यवतमाळ जिल्ह्याच्या आर्णी तालुक्यात जिल्हास्तरीय एक दिवसीय कवीसंमेल काल,२२ सप्टेंबरला पार पडले.देशातील मुलींची पहिली शाळा भिडेवाडा आंतरराष्ट्रीय काव्यजागर अभियाना अंतर्गत महाराष्ट्र राज्यात प्रत्येक जिल्ह्यात कवी भिडेवाडाकार विजय वडवेराव यांच्या मार्गदर्शनाखाली हा उपक्रम राबविल्या जात आहे.यवतमाळ जिल्हा अंतर्गत येणाऱ्या आर्णी तालुक्यात जिल्हास्तरीय एक दिवसीय कवीसंमेलनाचे आयोजन करण्यात आले होते.प्रसंगी

आंतरराष्ट्रीय पुरस्कार प्राप्त असलेले युवा कवी प्रभाकर देविदास दुर्गे मु.अडपल्ली चक,ता.मुलचेरा, जि.गडचिरोली यांनी सुद्धा या संमेलनात सहभाग नोंदविला होता.त्यांनी सदर संमेलनात आंतरराष्ट्रीय पुरस्कार प्राप्त ‘भिडेवाडा बोलला’ ही कविता सादर करून उपस्थित मान्यवर,कवी,कवयित्री व रसिकांची दाद मिळवित सर्वांची मने जिंकली.गडचिरोली जिल्ह्याच्या नक्षलग्रस्त भागात वास्तव्यास असणारे अवघे अठ्ठावीस वर्षाचे युवा कवी प्रभाकर दुर्गे यांनी आपल्या परिस्थितीला तोंड देत आंतरराष्ट्रीय स्तरावर उंच अशी गगन भरारी मारली आहे.जिल्हास्तरीय एक दिवसीय कवीसंमेलन प्रसंगी उत्कृष्ट कविता सादरीकरण केल्याने यवतमाळ जिल्हा कमिटीने भिडेवाडाकार विजय वडवेराव व उपस्थित मान्यवरांच्या हस्ते कवी प्रभाकर दुर्गे यांचा सत्कार करण्यात आला.