मोठी बातमी २३ वर्षीय तरुणाची घरीच गळफास घेऊन आत्महत्या.. – देसाईगंजच्या नैनपुर येथील आजची घटना..

देसाईगंज(गडचिरोली):-देसाईगंज शहराच्या नगर परिषद हद्दीत येणाऱ्या नैनपुर येथे एका २३ वर्षीय तरुणाने स्वतःच्या घरीच दुपट्ट्याच्या साहाय्याने गळफास घेऊन आत्महत्या केल्याची घटना आज, रविवार ८ जून रोजी सकाळी पावणे अकरा वाजताच्या सुमारास उघडकीस आली.दीपक दत्तू चौधरी वय २३ वर्षे,रा.नैनपुर,देसाईगंज असे गळफास लावून आत्महत्या केलेल्या तरुणाचे नाव आहे.

मिळालेल्या माहितीनुसार,दीपक हा आज सकाळच्या सुमारास काही कामानिमित्त घराबाहेर पडला होता. बाहेरून घरी आल्यानंतर अंगावरील कपडे काढत त्याने घराला लागूनच असलेल्या एका खोलीतील स्लॅबच्या हुकाला दुपट्ट्याच्या साहाय्याने गळफास घेत जीवनयात्रा संपवली.घरच्यांनी घराच्या बाजूला असलेल्या खिडकीतून डोकावून पाहीले असता दीपक हा गळफास घेतलेल्या अवस्थेत दिसून आला. दीपकला पाहताच कुटुंबीयांनी एकच हंबरडा फोडला. सदरची घटना गावात वाऱ्यासारखी पसरली. घटनेबाबत देसाईगंज पोलिसांना माहिती देण्यात आली असून दुपार पर्यंत पोलीस ताफा घटनास्थळी दाखल व्हायचा होता.२३ वर्षीय दीपकने आत्महत्येसारखे टोकाचे पाऊल कां उचलले? याबाबत अद्याप कळू शकले नाही.