उद्रेक न्युज वृत्त
गोंदिया :- जिल्ह्यातील अर्जुनी मोरगाव तालुक्यातील काही गावांना पावसाने चांगलेच झोडपून काढले.सतत मुसळधार पावसाने परिसरात पाणीच पाणी अशी परिस्थिती काही काळ निर्माण झाली होती.दरम्यान महागाव ते मोरगाव मार्गावरील शिरोली जवळ असलेल्या नाल्याला पुर आल्याने रस्ता बंद पडला होता.त्यामुळे शेतकरी, विद्यार्थी व नागरिकांची चांगलीच कोंडी झाली होती.रहदारी ठप्प पडल्याने जनजीवन विस्कळीत झाले होते.दमदार पावसाने झोडपून काढल्याने नागरिकांची एकच दाणादाण उडाली.दरम्यान पावसाच्या प्रतिक्षेत असलेल्या शेतकऱ्यांना दिलासा मिळाला तर सर्वसामान्य ही सुखावला.मुसळधार पावसाने महागाव ते मोरगाव अर्जुनी मार्गावर शिरोली गावशिवारातून वाहत असलेल्या नाल्याला पूर आल्याने वाहतूक ठप्प पडली होती.
अर्जुनी मोरगाव तालुक्यातील खांबी/पिंपळगाव येथे विज पडल्याने म्हैस जागीच ठार झाली.सदरच्या घटनेत पशुपालक शेतकरी हेमराज नानु मेश्राम यांचे नुकसान झाले आहे.सायंकाळच्या सुमारास खांबी/पिंपळगाव परिसरात अचानक वातावरणात बदल होवून पावसाला सुरूवात झाली.विजेच्या कडकडाट असतानाच पशुपालक शेतकरी हेमराज नानु मेश्राम याच्या अंगणात बांधलेल्या म्हशीवर विज पडल्याने जागीच ठार झाली. या घटनेत पशुपालकाचे १ लाखाचे नुकसान झाले असून शासनाने पंचनामा करून नुकसान भरपाई द्यावी; अशी मागणी केली आहे.या परिसरात सुमारे दीड तास मुसळधार पावसामुळे नाल्याला पूर आल्याने महागाव-शिरोली रस्ता बंद झाला होता.
