पत्नी सरकारी बँकेत नोकरीला; तिला ७० हजार रुपये महिना..- कमावत्या पत्नीला पोटगी कशी द्यायची…!

नागपूर :-एका पतीने मुंबई उच्च न्यायालयाच्या नागपूर खंडपीठात याचिका दाखल करून कमावत्या पत्नीला पोटगी मागण्याचा अधिकार नाही; असा दावा केला आहे.याकरिता,फौजदारी प्रक्रिया संहितेमधील तरतुदीचा आधार घेण्यात आला आहे.उच्च न्यायालयाने यासह इतर प्राथमिक मुद्दे विचारात घेता पत्नीसोबतच दोन वर्षीय मुलीच्या तात्पुरत्या पोटगीलाही अंतरिम स्थगिती दिली आहे.

या प्रकरणावर न्यायमूर्ती गोविंद सानप यांच्यासमक्ष सुनावणी झाली. प्रकरणातील पती आशिष नाशिक तर, पत्नी अश्विनी यवतमाळ जिल्ह्यातील रहिवासी आहे. त्यांचे २६ फेब्रुवारी २०११ रोजी लग्न झाले. त्यानंतर त्यांनी मुलीला जन्म दिला. दरम्यान, अश्विनीचे अनैतिक संबंध उघड झाल्यामुळे एका क्षणात होत्याचे नव्हते झाले. आशिष-अश्विनीच्या सुखी संसारात मिठाचा खडा पडून वाद विकोपाला गेला.परिणामी,अश्विनी माहेरी निघून गेली.