नक्षलवाद्यांनी घडवून आणला स्फोट; सी-६० चे दोन जवान किरकोळ जखमी…

उद्रेक न्युज वृत्त

गडचिरोली :- जिल्ह्यातील धोडराज येथील अभियानावरून परत येत असलेल्या सी-६० जवानांवर माओवाद्यांनी IED स्फोटाचा अयशस्वी प्रयत्न केला आहे.सुदैवाने या स्फोटामध्ये जवान बचावले असून दोघे किरकोळ जखमी झाल्याची माहिती पोलिस सूत्रांनी दिली आहे.

सी-६० चे जवान रस्त्यावर शोध अभियान करीत असताना धोडराज-भामरागड पुलाजवळ माओवाद्यांनी लोखंडी क्लेमोरने हा स्फोट घडवून आणला.यात दोन जवानांच्या हाताला किरकोळ जखमा झाल्या आहेत.मात्र,जवानांच्या सतर्कतेमुळे माओवाद्यांचा प्रयत्न हाणून पाडण्यात आला.पुढील अनर्थ टळला.आता या परिसरात पुढील शोध मोहीम सुरू आहे.