दोन्ही पाय अधू असूनही कर्तव्यदक्ष असलेल्या विद्युत कर्मीचे स्थांतरण थांबविण्याकरीता गावकरी सरसावले..

कुरखेडा(गडचिरोली):-कुरखेडा तालुक्यातील गोठणगांव चांदागड फिडरवर दोन्ही पायाला अपंगत्व असतांनाही मागील काही वर्षापासून कर्तव्य दक्षपणे सेवा बजावणारे सिनियर टेक्निशियन (लायनमॅन)प्रमोद गूडदे यांचे प्रस्तावित स्थातंरण रद्द करीत त्यांना याच ठिकाणी कायम ठेवण्यात यावे, अशी मागणी आज, गुरुवार २६ मार्च रोजी गावातील नागरिकांनी गडचिरोली विद्यूत वितरण कंपनीचे कार्यकारी अभियंता यांना कुरखेडा उपविभागीय अभियंता यांच्या मार्फत निवेदनाद्वारे केली आहे.

प्रमोद गूडदे हे दोन्ही पायांनी अपंग आहेत.मात्र या अपंगत्वाचा कोणताच बाऊ न करता ते रात्री बेरात्री गोठणगांव,चांदागड,सालईटोला येथील विद्यूत समस्येची माहीती मिळताच विलंब न करता सहकार्यासह कर्तव्याच्या ठिकाणी हजर होतात व दूरूस्ती कार्यवाही पूर्ण करून सगळ्यांशी सौजन्यपूर्ण वागणूकीमूळे ते परीसरात लोकप्रिय आहेत.अशा कर्तव्य दक्ष विद्यूत कर्मचाऱ्यांचे नियोजित स्थातंरण रद्द करण्यात यावे.या मागणी करीता आज गावकऱ्यांनी निवेदन दिले.याप्रसंगी गोठणगांव तंटामुक्ती समीतीचे अध्यक्ष वामन पाटनकर, शाळा व्यवस्थापन समीती अध्यक्ष देवेंद्र भोयर,वन हक्क समीती अध्यक्ष राजकूमार दूगा,माजी ग्राम पंचायत सदस्य हिरा माकडे,मयुर दोनाडकर,अतूल मेश्राम,संदिप कांबळी,विवेक दूगा,भागेश्वर सहारे,दिलेश दोनाडकर, नागेश सिंगाडे,देवदास दुगा तसेच गोठणगांव,चांदागड व सालईटोला येथील नागरिक उपस्थित होते.