उद्रेक न्युज वृत्त :- कित्तेकदा आपल्याकडील अँड्रॉइड मोबाईल वा इतर महागडे मोबाईल हरवला जातो वा चोरीला जात असतो.अशावेळेस काय करावे? मोबाईल शोधावा कसा? हे इतरांना सुचेनासे होत असते.चोरीला गेलेला मोबाईल फोन पुन्हा मिळवणे हा एक कठीण आणि तणावपूर्ण अनुभव असतो.त्यामुळेच IMEI नंबरचा वापर चोरीला गेलेला फोन शोधण्यासाठी एक साधन म्हणून केला जाऊ शकतो.IMEI नेहमी यूनीक नंबर असतात.हे इतर कोणत्याही फोनच्या IMEI शी जुळत नाहीत.
IMEI (International Mobile Equipment Identity) हा तुमच्या फोनचा एक यूनीक नंबर आहे. प्रत्येक GSM, CDMA आणि 3G,4G,5G फोनमध्ये IMEI नंबर असतो.हा क्रमांक तुमच्या फोनच्या हार्डवेअरमध्ये संग्रहित केला जातो आणि सिम कार्डवर देखील प्रोग्राम केला जातो.
तुम्ही डायलपॅडवर *#06# हा नंबर डायल करून फोनचा IMEI नंबर शोधू शकता.IMEI क्रमांक 15 अंकी असतो.
तुमच्या चोरीला गेलेल्या फोनचा IMEI नंबर नोंद करा. तुम्ही हा नंबर तुमच्या फोनच्या बिलवर,बॉक्सवर किंवा फोनच्या सेटिंग्जमध्ये “अबाउट फोन” मध्ये शोधू शकता.तुमच्या मोबाइल ऑपरेटरला कॉल करा आणि तुमचा फोन चोरी झाला असल्याची तक्रार करा. तुम्हाला IMEI नंबर द्यावा लागेल आणि ते तुमचा फोन ब्लॅक लिस्टमध्ये टाकतील.किंवा जवळील पोलीस ठाण्यात जाऊन मोबाईल हरवल्याची वा चोरीला गेल्याची तक्रार करा; मात्र मोबाईल चा IMEI आवश्यक आहे.याचा अर्थ असा की जरी चोरने सिम कार्ड बदलले तरीही फोन कोणत्याही नेटवर्कवर कार्य करणार नाही.IMEI नंबर पोलिसांना चोरीचा तपास करण्यात आणि तुमचा फोन शोधण्यात मदत करू शकतो.तुम्ही फोनसाठी पिन,पासवर्ड किंवा फिंगरप्रिंट लॉक सारख्या सुरक्षाचा वापर करू शकता.तुम्ही तुमच्या फोनवर टॅपिंग सॉफ्टवेअर,लोकेशन अँप डाउनलोड करू शकता जे फोन चोरी झाल्यास तुमचा फोन शोधण्यात आणि ट्रॅक करण्यात मदत करू शकते.
