तरुणीच्या असहाय्यतेचा फायदा; बळजबरीने गर्भपात करण्यास भाग पाडणाऱ्या कंत्राटदाराविरूध्द गुन्हा दाखल..

गडचिरोली :-जिल्ह्याच्या अहेरी तालुक्यात एक धक्कादायक घटना उघडकीस आली आहे.पेशाने कंत्राटदार असलेल्या ३० वर्षीय तरुणाने तरुणीच्या असहाय्यतेचा फायदा घेत प्रेमाच्या जाळ्यात ओढले व नंतर लग्नाचे आमिष दाखवून पीडितेला गर्भवती केले. पीडित तरुणीने लग्नाचा तगादा लावताच नकार देत बळजबरीने गर्भपात करण्यास भाग पाडल्याची घटना नुकतीच तीन दिवसांपूर्वी अहेरी शहरात उघडकीस आल्याने परिसरात एकच खळबळ माजली आहे.पीडित तरुणीने आपली फसवणूक झाल्याचे लक्षात येताच पोलीस ठाण्यात धाव घेत तक्रार नोंदवली.विशेष म्हणजे,२७ वर्षीय पीडित तरुणी परिचारिकेचे काम करते.प्रकरणी आरोपी तरुणावर अहेरी पोलीस ठाण्यात भारतीय न्याय संहिता २०२३ चे कलम ६९,२४१, ३५१(२)या सह अनुसूचित जाती-जमाती अत्याचार प्रतिबंधक कायद्यान्वये विविध कलमान्वये गुन्हा नोंदवताच आरोपी फरार झाला असून पोलिसांकडून त्याचा शोध घेतला जात आहे.अभिषेक सतीश आईलवार वय ३० वर्षे,रा.ता.अहेरी,जि.गडचिरोली असे आरोपीचे नाव असून जुलै २०२४ ते ऑक्टोंबर २०२५ या दरम्यान त्याने पीडितेच्या इच्छेविरुद्ध शारीरिक संबंध प्रस्थापित केले.पीडिता गर्भवती राहिल्यानंतर लग्नास नकार देऊन उलट बदनामी करण्याची भीती दाखवली. त्यानंतर,आरोपीने बळजबरीने गर्भपात करण्यास भाग पाडले.जेव्हा पीडितेने लग्नासाठी तगादा लावला,तेव्हा लग्नाला स्पष्ट नकार दिला.एवढेच नव्हे तर,गर्भधारणेचे सर्व पुरावे आणि कागदपत्रेही त्याने जाळून नष्ट केली. प्रकरणी पीडितेने अहेरी पोलिस ठाणे गाठून आपबीती कथन केली.प्रकरणाचे गांभीर्य लक्षात घेता अहेरीचे उपविभागीय पोलिस अधिकारी अजय कोकाटे यांनी

तक्रारीची गंभीर दखल घेतली आणि पोलिसांना आरोपीस तात्काळ अटक करण्यास सांगितले.अद्याप आरोपी फरार असून अहेरी पोलीस त्याच्या मागावर आहेत.