उद्रेक न्युज वृत्त
मूल(चंद्रपूर) :- मूल येथील तालुका कृषी अधिकारी प्रशांत कासराळे याच्या वागणुकीला कंटाळून त्याच कार्यालयातील महिला कर्मचाऱ्याने पोलिसात विनयभंगाची तक्रार दाखल केली.संबंधित अधिकाऱ्यावर कलम ३५४,३५४ (अ) अंतर्गत विनयभंगाचा गुन्हा दाखल झाला.मात्र तीन दिवसाचा कालावधी लोटूनही अटक का झाली नाही? असा प्रश्न पीडित महिला कर्मचाऱ्याने विचारला आहे.
तीन वर्षापूर्वी प्रशांत कासराळे हेच तालुका कृषी अधिकारी म्हणून कार्यरत होते.त्याच कार्यालयातील एका कृषी सहायकाने,कृषी सहायक महिलेचा विनयभंग केल्याची घटना घडली होती.विनयभंगाच्या गुन्ह्याखाली कृषी सहायकावर तातडीने कारवाई झाली होती.तालुका कृषी अधिकाऱ्याच्या विचित्र वागणुकीला कंटाळून महिला कर्मचाऱ्याने पोलिस स्टेशनला विनयभंगाची तक्रार केली.काही वर्षांपासून प्रशांत कासराळे तालुका कृषी अधिकारी म्हणून कार्यरत आहे.मागील काही महिन्यांपासून वाईट नजरेने बघत जाणून-बुजून स्पर्श करणे,सुटीच्या दिवशी एकटीलाच कार्यालयात बोलविणे,असे प्रकार करीत असल्याचे तसेच २६ मार्चला दुपारी २ वाजेच्या सुमारास रंगपंचमी असल्याने जोरजबरजस्तीने डोक्यावर अंडे फोडून अश्लील हावभाव केल्याचे तक्रारीत म्हटले आहे.कृषी अधिकाऱ्यांच्या अशा विचित्र वागणुकीमुळे त्रासलेल्या महिला कर्मचाऱ्याने जिल्ह्यातील वरिष्ठ कार्यालयाकडे तक्रार दाखल केली.मात्र,वरिष्ठ अधिकाऱ्यांनीही तक्रारींकडे दुर्लक्ष केल्याचा आरोप करण्यात आला आहे.अशातच आता विनयभंगाचा गुन्हा दाखल होऊन तीन दिवसांचा कालावधी झाला.पण आरोपीला अटक का झाली नाही? असा प्रश्न पीडित महिलेने विचारला आहे.
सुमित परतेकी,ठाणेदार मूल👇
महिलेच्या तक्रारीनुसार आरोपीवर विनयभंगाचा गुन्हा दाखल केला.या प्रकरणाचा तपास सुरूच आहे. साक्षीदाराचे बयाण नोंदविल्यानंतर आरोपीवर पुढील कायदेशीर कारवाई करण्यात येईल.
