उद्रेक न्युज वृत्त
मूल(चंद्रपूर) :- मूल तालुका कृषी अधिकाऱ्याच्या विचित्र वागणुकीला कंटाळून त्याच कार्यालयातील महिला कर्मचाऱ्याने पोलिस स्टेशनला विनयभंगाची तक्रार दाखल केली आहे.महिलेच्या तक्रारीवरून मूल पोलिस स्टेशन येथे शुक्रवारी रात्री १०:२० वाजेच्या सुमारास गुन्हा दाखल करण्यात आला आहे.प्रशांत गोविंदा कासराळे असे गुन्हा दाखल करण्यात आलेल्या कृषी अधिकाऱ्याचे नाव आहे.विशेष म्हणजे,वरिष्ठांकडे तक्रार करूनही दुर्लक्ष केल्याचा आरोप करण्यात आला आहे.
काही वर्षांपासून प्रशांत कासराळे तालुका कृषी अधिकारी म्हणून कार्यरत आहे.मागील काही महिन्यांपासून वाईट नजरेने बघत जाणून-बुजून स्पर्श करणे,सुटीच्या दिवशी एकटीलाच कार्यालयात बोलविणे,असे प्रकार करीत असल्याचे तसेच २६ मार्चला दुपारी २ वाजेच्या सुमारास रंगपंचमी असल्याने जोरजबरजस्तीने डोक्यावर अंडे फोडून अश्लील हावभाव केल्याचे तक्रारीत म्हटले आहे.
कृषी अधिकाऱ्यांच्या अशा विचित्र वागणुकीमुळे त्रासलेल्या महिला कर्मचाऱ्याने जिल्ह्यातील वरिष्ठ कार्यालयाकडे तक्रार दाखल केली.मात्र,वरिष्ठ अधिकाऱ्यांनीही तक्रारींकडे दुर्लक्ष केल्याचा आरोप करण्यात आला आहे.अखेर मूल पोलिस स्टेशनला १७ मे रोजी तक्रार दाखल करण्यात आली.तक्रारीच्या आधारे मूल पोलिस स्टेशन येथे कलम ३५४, ३५४(अ) भादंविनुसार गुन्हा दाखल करण्यात आला आहे. पुढील तपास मूलचे उपविभागीय पोलिस अधिकारी एस.एस.भगत यांच्या मार्गदर्शनाखाली पोलिस निरीक्षक सुमित परतेकी करीत आहेत.
कृषी अधिकाऱ्याच्या पत्नीला पत्र👇
आपल्यावरील अन्यायाबाबत तसेच तिच्या पतीचे कारनामे माहिती व्हावे आणि आपली त्रासापासून सुटका व्हावी; यासाठी फिर्यादी महिलेने कृषी अधिकाऱ्याच्या पत्नीला पत्र पाठवून माहिती दिली.
या पत्रानंतरही त्या अधिकाऱ्याच्या वागण्यामध्ये कुठेही बदल झाला नाही.त्यानंतर मात्र,त्रस्त झालेल्या महिला कर्मचाऱ्याने थेट पोलिस स्टेशनमध्ये तक्रार दाखल केल्याचे कळते.
