उद्रेक न्युज वृत्त
मुख्य संपादक/सत्यवान रामटेके
गडचिरोली :-डॉक्टरांच्या प्रिस्क्रिप्शनशिवाय म्हणजेच चिठ्ठीशिवाय कुठल्याही औषधांची मेडिकल वाल्यांनी विक्री करणे कायद्याने गुन्हा आहे.मात्र,अनेक मेडिकलधारक डॉक्टरांच्या चिठ्ठीशिवाय काही जण पैश्याच्या लालसेपोटी वा अती उताविळपणा करण्यासाठी प्रिस्क्रिप्शनशिवाय औषध विक्री करतांना दिसून येत आहेत.अशातच सदर प्रकार शहरी भागा सोबतच ग्रामीण भागातील छोटे-मोठे गावातील मेडिकल मधून औषधे विकली जात असल्याने जिल्हा आरोग्य विभागातील तसेच तालुक्यातील अधिकारी,कर्मचारी याकडे अक्षम्य दुर्लक्ष करीत असल्याचा हल्ली प्रकार निदर्शनास येऊ लागला आहे.त्यामुळे अशांवर आळा, पगारी घालणार की बिन पगारी फुल्ल अधिकारी घालणार; अशी अवस्था निर्माण झाली असल्याचे दिसून येत आहे.
कुठलाही लहान-सहान आजार झाला की,अमुक गोळी खाऊन घे,तमुक गोळी खाऊन घे,असे सांगितले जाते.कधीकधी इंटरनेटवर सर्च करून औषधे घेतली जातात.ही बाब आजारी व्यक्तीच्या जिवावर बेतू शकते.परिणामी, तज्ज्ञांच्या सल्ल्याने औषधोपचार करावा.नियमांची पायमल्ली करू नये; कुठलाही आजार किंवा दुर्धर रोग असो,तज्ज्ञ डॉक्टरांच्या सल्ल्यानेच उपचार करून घेणे आरोग्याच्यादृष्टीने हितकारक ठरते.
प्रिस्क्रिप्शनशिवाय औषधी नको👇
काही जण थेट औषधीच्या दुकानात जाऊन आपल्या मताने औषधे घेतात आणि त्याचे प्राशनही करतात. त्यामुळे त्यांना समस्या उद्भवत असते.परिणामी वेळप्रसंगी रुग्णालयात जाण्यापूर्वी जीवही दगावण्याची शक्यता असते.त्यामुळे लहान सहान आजारातही अंगावर दुखणे काढू नये.तसेच आपल्या मताने औषधांचे सेवन करू नये; मागून औषध मिळत आहेत,म्हणून नियमांची पायमल्ली करू नये; तसेच मेडिकल धारकांनी डॉक्टरांच्या चिठ्ठीशिवाय औषध विक्री करू नये; व नागरिकांच्या जीवाशी खेळू नये; अन्यथा गुन्हा दाखल करण्यात येणार असल्याचे बोलले जात आहे.
