गोशाळांकरीता प्रतीदिन प्रती गोवंश ५० रुपये अनुदान.. – गोशाळांकरीता अनुदान हवे तर ३१ डिसेंबर पर्यंत करा अर्ज..

गडचिरोली :-जिल्ह्यातील गोशाळांना आर्थीकदृष्टया सक्षम करण्याकरीता २०२४-२५ पासुन गोशाळेत ठेवण्यात येणाऱ्या देशी गायींना प्रतीदिन प्रती गोवंश ५० रुपये शासनाकडून अनुदान देण्यात येणार आहे. सदर योजना राबवीण्यास शासनाने मान्यता दिली आहे.या योजनेअंतर्गत अनुदानाच्या पात्रतेच्या अटीनुसार जिल्ह्यातील गोसंगोपनाचा किमान ३ वर्ष अनुभव असलेल्या,गोशाळेत किमान ५० गोवंश व संस्थेतील ईअर टॅगींग (भारत पशुधन प्रणालीवर) असलेले गोसेवा आयोगाकडील नोंदणीकृत गोशाळा, गोसदन,पांजरापोळ व गोरक्षण संस्थेमधील देशी गाई अनुदानास पात्र आहेत.त्या करीता ऑनलाईन अर्ज करण्याची मुदत ३१ डिसेंबर २०२४ पर्यंत आहे.सदर योजनेचे उद्देश व स्वरुप, अनुदान पात्रतेच्या अटी व शर्ती,योजनेची अंमबजावणी तसेच योजनेचा ऑनलाईन अर्ज व त्यासोबत जोडावयाची अनुषंगीक कागदपत्रे इ.सवीस्तर माहीती www.mahagosevaayog.org व http://schemes.mahagosevaayog.org  या संकेतस्थळावर उपलब्ध करुन देण्यात आलेली आहे.

ऑनलाईन पध्दतीने अर्ज स्वीकारणे १६ डिसेंबर २०२४  ते ३१ डिसेंबर २०२४,गोसेवा आयोग मार्फत प्राप्त अर्जाची प्राथमीक तपासणी ०१ जानेवारी २०२५ ते १० जानेवारी २०२५,जिल्हा गोशाळा पडताळणी समीतीव्दारा प्राथमीक तपासणी अंती पात्र गोशाळांची प्रत्यक्ष भेट व पडताळणी ११ जानेवारी २०२५ ते २० जानेवारी २०२५,जिल्हा गोशाळा पडताळणी समीती अहवालानुसार अनुदानास पात्र गोधनांची संख्या आयोग कार्यालयास कळवीणे २१ जानेवारी २०२५ ते २५ जानेवारी २०२५ पर्यंत.जिल्हयातील ईच्छुक गोशाळा यांनी वर दिलेल्या वेळापत्रकानुसार ऑनलाईन अर्ज करण्याचे आवाहन  डॉ.विलास अ.गाडगे जिल्हा पशुसंवर्धन उपआयुक्त गचिरोली यांनी केले आहे.