कुरखेडाच्या खरमतटोला येथे इसमाची गळफास घेऊन आत्महत्या..

कुरखेडा(गडचिरोली):-कुरखेडा तालुका मुख्यालयापासून २० किलोमिटर अंतरावर असलेल्या खरमतटोला येथे एका ५८ वर्षीय इसमाने शेतातील झाडाला गळफास घेऊन आत्महत्या केल्याची घटना काल,गुरुवार २४ एप्रिल रोजी घडली.घनश्याम दाजगाये रा.खरमटोला असे आत्महत्या केलेल्या इसमाचे नाव आहे.

माहितीनुसार,घनश्याम दाजगाये हे काल,गुरुवारी सकाळच्या सुमारास गुरे चारण्यासाठी शेतावर गेले होते.बराच कालावधी होऊनही ते घरी न परतल्याने घरच्यांनी शेताकडे धाव घेतली.शेतावर जाऊन बघितले असता घनश्याम दाजगाये हे एका चिंचेच्या झाडाला दोरीने लटकलेल्या अवस्थेत दिसून आले.सदरची घटना वाऱ्यासारखी गावात पसरल्याने ग्रामस्थांनी घटनास्थळी धाव घेत मोठी गर्दी केली होती.घटनेची माहिती कुरखेडा पोलीस प्रशासन देतातच घटनास्थळ गाठून पंचनामा करून मृतदेह उत्तरीय तपासणीसाठी कुरखेडा उपजिल्हा रुग्णालयात पाठविला.शवविच्छेदनानंतर मृतदेह नातेवाइकांकडे सोपविला.