आता नंबर पाहून व्हॉट्सॲपवर त्रास देणाऱ्यांची बोलती होणार बंद..!

उद्रेक न्युज वृत्त :-देशातच नव्हे तर जगभरात व्हॉट्सॲपची क्रेझ वाढलेली आहे.व्हॉट्सॲपमुळे अनेक कामे एका झटक्यात होऊ लागली आहेत.अनेकांनी व्यवसायिक,शासकीय,राजकीय,शैक्षणिक,मैत्रीचे, बातम्यांचे,रोजगाराचे व इतर विविध प्रकारचे ग्रुप तयार करून आदानप्रदान सुरू केली आहे.अश्यातच काहीजण ग्रुपमधील तरुणी,महिला वा इतरांचे मोबाईल नंबर काढून नाहक त्रास देण्याचे काम करतांना दिसून येतात.यासाठी यावर रामबाण उपाय म्हणून व्हॉट्सॲप नवे फीचर आणत आहे.सध्या स्थितीत एखाद्याला व्हॉट्सॲप मॅसेज केल्यास,तुमचा मोबाईल नंबर त्या व्यक्तीला दिसत असतो.मात्र,आता येणाऱ्या नव्या फीचरमुळे,तुमच्या मोबाईल नंबरऐवजी तुमचा फक्त युनिक यूजरनेम दिसेल. येणाऱ्या नव्या फीचरला ‘यूजरनेम’ असे नाव देण्यात आले आहे.जे वापरकर्ते मॅसेज पाठवतांना आपला नंबर शेअर करू इच्छित नाहीत,त्यांच्यासाठी हे फीचर खूप फायदेशीर ठरणार आहे.या फीचरमुळे तुम्ही तुमचा आवडता यूजरनेम तयार करू शकाल.हा यूजरनेम तुमच्या प्रोफाइलवर दिसू शकेल आणि लोक तुमच्याशी तुमच्या नंबरऐवजी या यूजरनेमद्वारेच जोडले जातील. गोपनीयता वाढवण्यासाठी हे फीचर खूप महत्त्वाचे ठरणार आहे.सध्या ‘यूजरनेम’ फीचरची चाचणी सुरू असून ते लवकरच सर्व वापरकर्त्यांसाठी उपलब्ध होणार आहे.