आजपासून पुढील पाच दिवस पावसाळी वातावरण..

उद्रेक न्युज वृत्त :-गेल्या काही दिवसांपासून विदर्भातील अनेक जिल्ह्यात रिमझिम पाऊस व उघडीप सुरू आहे. काल बुधवारी भंडारा व गोंदिया जिल्ह्यात ५ मिमी पावसाच्या नोंदीसह हलका पाऊस झाला.तर गडचिरोली जिल्ह्यातही ५.७ मिमी सरासरी पावसाच्या नोंदीसह देसाईगंज,कोरची,आरमोरी व कुरखेडा तालुक्यांत दमदार पावसाने हजेरी लावली.अश्यातच आता हवामान खात्याने आज,गुरुवार ३ सप्टेंबर रोजी नागपूर,भंडारा व गडचिरोली जिल्ह्यांत चोवीस तासांसाठी पावसाचे ‘येलो अलर्ट’ जारी केला आहे.या भागात गडगडाटासह हलका ते मध्यम पाऊस होण्याची शक्यता आहे.त्यातच,गोंदिया व अमरावती जिल्ह्यात मुसळधार पावसाचा अंदाज असून हवामान खात्याने दोन्ही जिल्ह्यांसाठी ‘ऑरेंज अलर्ट’ जारी केला आहे.विशेषतः विदर्भात पावसाळी स्थिती तयार झाल्याने आजपासून विदर्भातील बहुतेक जिल्ह्यांत पुढील पाच दिवस पावसाळी वातावरण राहणार आहे.पावसाळी वातावरण शेतकरी बांधवांसाठी दिलासादायक ठरणार आहे.