आज कोंढाळा येथे जुना देऊळ हनुमान मंदिरातून प्रभू श्रीरामाची निघणार शोभायात्रा.

कोंढाळा(गडचिरोली):-प्रभू श्रीरामनवमीनिमित्त ७० वर्षांची परंपरा असलेल्या देसाईगंज तालुक्याच्या कोंढाळा येथील जुना देऊळ हनुमान मंदिरातून आज, गुरुवार २६ मार्च रोजी रात्री ८ वाजेपासून संपूर्ण गावातून भव्य शोभायात्रा काढण्यात येणार आहे.तत्पूर्वी आज दुपारी १२ वाजेच्या सुमारास प्रभू श्रीराम हनुमान मंदिर समितीचे अध्यक्ष अरुण कुंभलवार,उपाध्यक्ष गजानन सेलोटे,सदस्य नितीन राऊत,श्रीराम मोहुर्ले,मारोती राऊत, सचिन राऊत,रामदास सेलोटे,समितीच्या कार्यकर्त्यांसह गावकऱ्यांच्या वतीने जुना देऊळ हनुमान मंदिरात ‘श्री राम प्रभू’ चा जन्मोत्सव सोहळा पार पडला व प्रसादाचे वाटप करण्यात आले.आज रात्रीच्या सुमारास गावातील प्रभू श्रीराम हनुमान मंदिर समितीच्या वतीने आयोजित शोभायात्रेत हिंदू समाजातील विविध जाती,पंथ,संप्रदाय तसेच सामाजिक संस्था,गणेश मंडळ,दुर्गा मंडळ,भजन मंडळी मोठ्या संख्येने सहभागी होणार आहेत.आकर्षक झाक्या,विविध कलाकृती व धार्मिक वातावरणाने गाव भक्तिमय होणार आहे.या शोभायात्रेत नागरिकांनी सहभागी व्हावे,असे आवाहन आयोजकांनी केले आहे.