देसाईगंज युनिव्हर्सल कॉन्व्हेंट तथा डेव्हिडकीर्ती इंटरनॅशनल पब्लिक स्कुल येथे ‘समाज परिवर्तन महोत्सव’ उत्साहात साजरा…

देसाईगंज(गडचिरोली):-देसाईगंज शहराच्या युनिव्हर्सल कॉन्व्हेंट तथा डेव्हिडकीर्ती इंटरनॅशनल पब्लिक स्कुल येथे समाज परिवर्तन महोत्सव २०२४ मोठया उत्साहात पार पडला.यावेळी विध्यार्थ्यांनी रंगीबेरंगी वेशभूषा परिधान करून नृत्य  सादर करीत पालक व प्रेक्षकांची मने जिंकली. महोत्सवात सामाजिक बाबींवर प्रकाश टाकत सामाजिक कार्य,भूमिका व महत्व विद्यालयाच्या माध्यमातून पटवून देण्यात आले. कार्यक्रमास विद्यार्थ्यांच्या आई-वडिलांनी मोठ्या प्रमाणावर उपस्थिती दर्शविली होती.स्कूलच्या वतीने आयोजित समाज परिवर्तन महोत्सवाच्या माध्यमातून समाजाला जागृत करण्यात आले.

सदर महोत्सव प्रसंगी शाळेचे संस्थापक बी.पी.पडवेकर, शाळेचे मुख्याध्यापक पंकज डी. मेश्राम,अर्चना पडवेकर देसाईगंज,गजबे पोटगाव, स्वीटी बिस्वास गोकुलनगर आदी उपस्थित होते.सदर कार्यक्रमाला पालकवर्ग उत्स्फूर्तपणे सहभागी झाले व पालकांनी आपल्या कलेचे प्रदर्शन केले.सदर कार्यक्रमाचे  संचालन हर्षद सोनपिपरे यांनी केले तर उपस्थितांचे आभार रामटेके यांनी मानले. कार्यक्रमास सर्व शिक्षकांचे सहकार्य लाभले.प्रसंगी सर्व शिक्षक तसेच विद्यार्थी पालकांचे मुख्याध्यापक पंकज मेश्राम यांनी कार्यक्रम यशस्वीतेसाठी आभार मानले.