आनंदाची बातमी… आता लाडक्या बहिणींना नोव्हेंबर महिन्याचेही मिळणार दीड हजार रुपये…

मुंबई :-मुख्यमंत्री-माझी लाडकी बहिण योजने अंतर्गत राज्यातील लाडक्या बहिणींना महिन्याकाठी दीड हजार रुपये दिले जात आहेत.आतापर्यंत जुलै,ऑगस्ट आणि सप्टेंबर महिन्याचे प्रत्येकी दीड हजार रुपये म्हणजेच ४५०० रुपये जमा करण्यात आले आहेत.अशातच आता महाराष्ट्र राज्यातील महायुती सरकारने दिवाळीनिमित्त लाडक्या बहिणींना दुप्पट भेट देण्याची घोषणा केली आहे.दिवाळीनंतर साजऱ्या होणाऱ्या भाऊबीज उत्सवानिमित्त आम्ही आमच्या लाडक्या बहिणींना रिकाम्या हाताने जाऊ देणार नाही; असे उपमुख्यमंत्री अजित पवार यांनी म्हटले आहे.महाराष्ट्रात होणाऱ्या विधानसभा निवडणुका पाहता लवकरच निवडणूक आचारसंहिता लागू होऊ शकते.अशा परिस्थितीत लाडक्या बहिणींना नोव्हेंबर महिन्याचा हप्ता ऑक्टोंबर महिन्यातच दिला जाईल,अशी घोषणा अजित पवार यांनी केली.त्यातच मुख्यमंत्री एकनाथ शिंदे म्हणाले की, महायुतीचे सरकार पुन्हा आल्यानंतर लाडकी बहीण योजनेअतंर्गत देण्यात येणारी रक्कम १५०० रुपयांवरून ३००० रुपये करण्यात येईल. आपल्या सरकारच्या कल्याणकारी उपक्रमांबद्दल विरोधी पक्षात एवढी ईर्षा का? असा सवाल त्यांनी केला.