गडचिरोली जिल्ह्यात १४५ होमगार्ड पदभरती..-ऑनलाईन अर्ज करण्याचे आवाहन..

उद्रेक न्युज वृत्त 

गडचिरोली :-गडचिरोली जिल्ह्याच्या होमगार्ड मधील रिक्त असलेल्या १४५ होमगार्डचा अनुशेष भरण्याकरिता होमगार्ड नोंदणीचे आयोजन दिनांक १६ ऑगस्ट २०२४ पासुन पोलीस मुख्यालय गडचिरोली येथे करण्यात आले आहे.याकरीता २५ जुलै ते १४ ऑगस्ट २०२४ अखेर ऑनलाईन अर्ज मागविण्यात येत असुन होमगार्ड नोंदणीचे माहितीपत्रक नियम व अटीबाबत विस्तृत माहिती https://maharashtracdhg.gov.in/mahahg/login1.php या संकेतस्थळावर उपलब्ध आहे. सदर अनुशेषमध्ये बदल करण्याचा अधिकार जिल्हा समादेशक होमगार्ड गडचिरोली यांना राहील.तरी होमगार्ड मध्ये सेवा करु इच्छित असलेल्या गडचिरोली जिल्ह्यातील रहिवासी उमेदवारांनी नोंदणी करिता अर्ज करावा; असे आवाहन जिल्हा समादेशक होमगार्ड तथा अप्पर पोलीस अधिक्षक गडचिरोलीचे कुमार चिंता यांनी केले आहे.