पाहुण्यांसोबत जेवण करायला गेले अन् चोरट्यांनी १९ लाख रुपये चोरून नेले…!-देसाईगंज शहराच्या गांधी वार्डातील घटना…

उद्रेक न्युज वृत्त 

देसाईगंज(गडचिरोली) :- गडचिरोली जिल्ह्यातील सर्वात मोठी बाजारपेठ गणल्या जाणाऱ्या देसाईगंज शहरातील स्थानिक गांधी वॉर्डातील रहिवासी हरिजितसिंग सलुजा यांच्या घरी मंगळवारी रात्री १२ वाजेच्या सुमारास अज्ञात चोरट्यांनी १९ लाख रुपयांवर डल्ला मारत पोबारा केला.

हरिजितसिंग सलुजा यांची दुचाकीची शोरूम आहे. त्यांच्या घरी मंगळवारी पाहुणे आले होते. पाहुण्यांसोबत जेवण करण्यासाठी सलुजा कुटुंबासह हॉटेलमध्ये गेले होते.

दरम्यान,चोरट्यांनी घरात प्रवेश केला.घरातील रोख रकमेसह सोने असा एकूण १९ लाख रुपयांचा मुद्देमाल चोरट्यांनी लंपास केला.जेवण करून आल्यानंतर घरात चोरी झाली असल्याचे सलुजा यांच्या लक्षात आले.त्यांनी याबाबतची तक्रार देसाईगंज पोलिस स्टेशनमध्ये दाखल केली. पोलिसांनी अज्ञात चोरट्यांविरोधात गुन्हा दाखल केला आहे.