उद्रेक न्युज वृत्त
मूल(चंद्रपूर) :- तेंदूपत्ता तोंडणीसाठी जंगलात गेलेल्या एका इसमावर दबा धरून बसलेल्या वाघाने झडप घेवुन ठार केल्याची घटना बफर क्षेत्रातील भादुर्णा नंबर २ कक्ष क्रं.३२४ मध्ये काल,गुरुवारी (दि.९) सकाळी ६ वाजता दरम्यान घडली.तुळशिराम सुरेश सोनुले वय ३४ वर्ष रा. रत्नापूर असे वाघाच्या हल्यात ठार झालेल्या इसमाचे नाव आहे.
मूल तालुक्यात रोजगाराचे कोणतेही साधन नसल्याने मिळेल तो काम करून आपली उपजिवीका करीत होता. सध्या तेंदूपत्ता तोडणींच्या हंगामाला सुरुवात झालेली आहे. मूल तालुक्यात मोठ्या प्रमाणावर जंगलव्याप्त परिसर आहे. त्यामुळे मूल तालुक्यातील रत्नापूर येथील जवळपास १५ जण तेंदूपत्ता तोडणीसाठी बफर क्षेत्रातील भादुर्णा नंबर २ येथील कक्ष क्रमांक ३२४ मध्ये गेला होता.दरम्यान दबा धरून बसलेल्या वाघाने तुळशीराम सुरेश सोनुले वय ३४ वर्ष याच्यावर हल्ला करून जागीच ठार केला.नागरिकांनी आरडाओरड करून घडलेल्या घटनेची माहिती वनविभागाला दिली.मूल येथील वनविभागाच्या बफर क्षेत्राचे वनपरिक्षेत्राधिकारी राहुल कारेकर, क्षेत्र सहा. पाकेवार,मूल पोलिस स्टेशनचे पो.निरीक्षक सुमित परतेकी यांनी घटनास्थळाला भेट देऊन पंचनामा केला.वनविभागाने मृतकाच्या कुटुंबीयाना २० हजारांची आर्थिक मदत केली.
