उद्रेक न्युज वृत्त
नागपूर :- लिव्ह इनमध्ये सोबत राहणारी प्रेयसी खोलीवर न आल्यामुळे एका २६ वर्षांच्या युवकाने गळफास घेऊन आत्महत्या केली.ही घटना वाठोडा पोलिस ठाण्याच्या हद्दीत काल,बुधवारी घडली.
निखिल रामेश्वर बुराडे वय २६ वर्षे,रा.अनमोलनगर, नागपूर असे गळफास घेतलेल्या प्रियकराचे नाव आहे. तो मोबाइल शॉपीत कामाला होता.माहितीनुसार निखिलचे स्वागतनगरमध्ये वडिलोपार्जित घर आहे. तेथे त्याचे आईवडील,बहीण आणि मोठा भाऊ राहतो. परंतु मागील २५ दिवसांपासून निखिल एका युवतीसोबत अनमोलनगरात किरायाची खोली घेऊन लिव्ह इनमध्ये राहत होता.ही युवती एका राजकीय पदाधिकाऱ्याच्या कार्यालयात काम करते.परंतु मागील दोन दिवसांपासून लिव्ह इनमध्ये राहणारी प्रेयसी घरी न आल्यामुळे निखिल संतापला होता.यातच त्याने राहत्या खोलीत छताच्या लोखंडी हुकला नायलॉन दोरी बांधून गळफास घेतला.या प्रकरणी रंजना सुनील वारकी वय २३ वर्षे, रा.धरमपेठ यांनी दिलेल्या सूचनेवरून वाठोडा ठाण्याचे उपनिरीक्षक विनोद वंदे यांनी अकस्मात मृत्यूची नोंद केली आहे.
