अखेर काँग्रेस नेते व माजी मंत्री सुनील केदार यांना उच्च न्यायालयाने दिला जामीन

उद्रेक न्युज वृत्त 

नागपूर :- काँग्रेस नेते व माजी मंत्री सुनील केदार यांना उच्च न्यायालयाने जामीन दिल्यानंतर आज १० जानेवारी दुपारी त्यांची मध्यवर्ती कारागृहातून सुटका करण्यात आली.यावेळी त्यांचे केदार समर्थकांनी जल्लोषात स्वागत केले.यावेळी केदार यांनी समर्थकांना विजयाचे चिन्ह दाखवत अभिवादन स्वीकारले.आज दुपारी केदार यांच्या कार्यकर्त्यांनी मोठी गर्दी केली होती.त्यामुळे बराच वेळ मध्यवर्ती कारागृहापासून सीताबर्डी परिसरात वाहतूक खोळंबली होती.जिल्हा मध्यवर्ती बँकेच्या १५३ कोटींच्या रोखे घोटाळ्यात ५ वर्षे शिक्षा सुनावल्यानंतर काल,मंगळवारी उच्च न्यायालयाच्या नागपूर खंडपीठाने केदार यांना जामीन मंजूर केला आहे.एक लाखाच्या जातमुचलक्यावर नागपूर खंडपीठाच्या न्यायमूर्ती उर्मिला जोशी यांच्या एकल खंडपीठाने निर्णय दिला.