सामाजिक,सहकार व शैक्षणिक क्षेत्रात उल्लेखनीय कार्य करणाऱ्या मान्यवरांचा संकल्प फाउंडेशनतर्फे गौरव..

कुरखेडा(गडचिरोली):-कुरखेडा तालुक्याच्या गेवर्धा येथे आज,सोमवार १४ सप्टेंबर रोजी संकल्प फाउंडेशन या सामाजिक संस्थेतर्फे सामाजिक,सहकार व शैक्षणिक क्षेत्रांत उल्लेखनीय कार्य करणाऱ्या गावातील तीन मान्यवरांचा सत्कार करण्यात आला.यावेळी गडचिरोली जिल्हा मध्यवर्ती सहकारी बँकेच्या संचालकपदी नियुक्ती झाल्याबद्दल श्रीकांत नागीलवार यांचा गौरव करण्यात आला.तर सलग सहा वेळा तंटामुक्त समितीच्या अध्यक्षपदी निवड झाल्याबद्दल राजू बारई यांचा सूद्धा सत्कार झाला.तसेच गावातील जिल्हा परिषद शाळेतील शिक्षणाचा दर्जा व शिक्षकांच्या प्रश्नांसाठी पुढाकार घेणाऱ्या ताहीर शेख यांचाही शाल श्रीफळ व पुष्पगुच्छ देऊन विशेष सन्मान करण्यात आला.

सदर कार्यक्रमाच्या अध्यक्षस्थानी कृषी उत्पन्न बाजार समितीचे उपसभापती व्यंकटी नागीलवार होते.तर उद्घाटन माजी सरपंचा सुषमा मडावी यांच्या हस्ते करण्यात आले.यावेळी तान्हा पोळा निमित्त आयोजित स्पर्धेत विजेते व सहभागी स्पर्धकांना उपस्थित मान्यवरांच्या हस्ते पारितोषिकांचे वितरण सूद्धा करण्यात आले.

कार्यक्रमाचे संचालन खुशाल रामटेके,प्रास्ताविक डॉ. जगदीश बोरकर,तर आभार मुकेश बोरकर यांनी मानले.कार्यक्रमाच्या यशासाठी संकल्प फाउंडेशनचे अध्यक्ष लोकेश ठाकरे,अतुल अंबादे,फलिंन्द्र मांडवे, भुषण बोरकर,जितेंद्र वट्टी,मुकेश बोरकर,हेमंत बोरकर, मनिष मेश्राम,गोविंद बोरकर,रवि बाळबूद्धे,विष्णू कांबळे,पंकज मैंद,बाळाजी नखाते,प्रिया बोरकर,यश मेश्राम,नितेश नखाते,मयुर चन्ने,धनू शेंडे,दुर्गेश मस्के, प्रशांत कावळे,गोपाल मडावी,देवा नाकतोडे व सहकाऱ्यांनी परिश्रम घेतले.सामाजिक,सहकार आणि शैक्षणिक क्षेत्रात योगदान देणाऱ्या व्यक्तींचा गौरव करून समाजात सकारात्मक कार्याला प्रोत्साहन देणे हा उपक्रमाचा मुख्य उद्देश असल्याचे डॉ.जगदिश बोरकर यांनी सांगितले.