नालीच्या चेंबरवर मृतावस्थेत आढळला नवजात अर्भक..

नागपूर :-जिल्ह्याच्या कामठी तालुक्यातील कोराडी पोलिस ठाण्याच्या हद्दीतील बोखारा गावातील रस्त्यालगत असलेल्या नालीच्या चेंबरवर नवजात बाळाचा मृतदेह आढळून आल्याने परिसरात एकच खळबळ उडाली.ही घटना काल रविवारी उघडकीस आली.लागलीच घटनेची माहिती काही नागरिकांनी ११२ या टोल फ्री क्रमांकावर कॉल करून देताच कोराडी पोलिसांसह फॉरेन्सिक तज्ज्ञांनी घटनास्थळ गाठले आणि परिसराची बारकाईने पाहणी करीत काही नागरिकांकडे विचारपूस केली.फॉरेन्सिक तज्ज्ञांनी घटनास्थळाहून पुरावे गोळा केल्यानंतर पोलिसांनी पंचनामा केला आणि मृतदेह ताब्यात घेत पुढील कायदेशीर कार्यवाही सुरू केली आहे.विशेष म्हणजे,२१ वर्षीय अविवाहित गर्भवती तरुणीने सदरचे कृत्य केल्याची परिसरात चर्चा असून नागरिकांकडून विविध तर्क-वितर्क लावले जात आहेत. मात्र,कोराडी पोलिस प्रशासन खरे वास्तव काय? यासाठी तपास करीत आहेत.तपासाअंती सर्व सत्य समोर येणार आहे.