गडचिरोली जिल्ह्याला ४८ आधार नोंदणी संच प्राप्त; इच्छुक सेवा केंद्र चालकांनी अर्ज करण्याचे आवाहन..

गडचिरोली :-जिल्ह्यातील ग्रामीण व दुर्गम भागात आधार नोंदणी व बायोमेट्रिक अद्ययावतीकरणाच्या सेवा अधिक प्रभावीपणे उपलब्ध करून देण्यासाठी इच्छुक आपले सरकार सेवा केंद्र चालकांकडून आधार नोंदणी संच वितरणासाठी अर्ज मागविण्यात आले आहेत.

इलेक्ट्रॉनिक्स,माहिती तंत्रज्ञान व कृत्रिम बुद्धिमत्ता आयुक्तालय,महाराष्ट्र शासनामार्फत गडचिरोली जिल्हा प्रशासनाला ४८ आधार नोंदणी संच प्राप्त झाले आहेत. या संचांचे वितरण जिल्ह्यातील २५ रिक्त महसूल मंडळ क्षेत्रे,४ मिनी सेतू केंद्रे आणि अतिरिक्त गरज असलेल्या १९ महसूल मंडळांमध्ये करण्यात येणार आहे.

आधार नोंदणी सेवा केंद्रासाठीची जाहिरात,केंद्रांची यादी तसेच अर्जाचा नमुना जिल्ह्याच्या संकेतस्थळावर www.gadchiroli.gov.in येथे उपलब्ध करून देण्यात आला आहे.

इच्छुक आपले सरकार सेवा केंद्र चालकांनी ३ ऑगस्ट ते ७ ऑगस्ट २०२६ या कालावधीत सकाळी ११ ते सायंकाळी ६ वाजेपर्यंत जिल्हाधिकारी कार्यालय, गडचिरोली येथील सेतू शाखेत विहित नमुन्यात अर्ज सादर करावेत,असे आवाहन जिल्हाधिकारी अविश्यांत पंडा यांनी केले आहे.