आता ‘वंदे मातरम्’ गातांना अडथळा आणणे,अवमान करणे किंवा कार्यक्रमात अपमानास्पद वापर करणे ठणार दंडनीय गुन्हा..

उद्रेक न्युज वृत्त :-आपल्या देशाप्रती अनेकांना अभिमान वाटत असतो.त्यातच,अनेकांमध्ये देशभक्ती कुटून भरलेली असते.मात्र,देशभक्तीशी निगडित प्रतीकांचा सन्मान राखणे तितकेच महत्वाचे आहे. यासाठी केंद्र सरकारने मोठा निर्णय घेत ‘वंदे मातरम्’ या राष्ट्रीय गीताचा अपमान करणाऱ्यांविरोधात कठोर कारवाई करण्यासाठी  राष्ट्रीय सन्मानाचा अपमान प्रतिबंधक कायदा,१९७१(The Prevention of Insults to National Honour Act,1971)या कायद्यात महत्त्वपूर्ण सुधारणा करण्यास मंजुरी दिली आहे.केंद्रीय मंत्रिमंडळाच्या मंगळवार ५ मे रोजी झालेल्या बैठकीत हा निर्णय घेण्यात आला.या दुरुस्तीमुळे ‘वंदे मातरम्’ गातांना अडथळा आणणे, त्याचा अवमान करणे किंवा कार्यक्रमात त्याचा अपमानास्पद वापर करणे हे आता दंडनीय गुन्हा ठरणार आहे. सध्याच्या कायद्यानुसार राष्ट्रगीत,राष्ट्रध्वज आणि राज्यघटनेचा अपमान केल्यास तीन वर्षांपर्यंत कारावास, दंड किंवा दोन्ही अशी शिक्षा आहे.आता हाच नियम ‘वंदे मातरम्’ लाही लागू होणार असल्याने राष्ट्रीय गीतालाही समान कायदेशीर संरक्षण मिळणार आहे.यापूर्वी गृह मंत्रालयाकडून ‘वंदे मातरम्’ संदर्भात दिलेल्या सूचना केवळ सल्लागार स्वरूपाच्या होत्या.मात्र,नव्या दुरुस्तीमुळे या सूचनांना कायदेशीर बळ मिळणार आहे.