शेतकऱ्यांचा रब्बी हंगाम अडचणीत; अंतरगाव उपकेंद्राच्या ट्रान्सफॉर्मरची तातडीने दुरुस्ती करण्याचे निर्देश..

कुरखेडा(गडचिरोली):-कुरखेडा तालुक्याच्या अंतरगाव येथील ३३ केव्ही विद्युत उपकेंद्रातील ट्रान्सफॉर्मर जळाल्यामुळे परिसरातील विद्युत पुरवठा प्रभावित झालेला आहे.दुरुस्ती करीता विलंब होत असल्याने शेतकऱ्यांचा रब्बी हंगाम अडचणीत आलेला आहे. सदरची समस्या लक्षात येताच आरमोरी विधानसभा क्षेत्राचे आमदार रामदास मसराम यांनी शेतकऱ्यांसह भेट देत संबंधित अधिकाऱ्यांना जाब विचारत तातडीने दुरुस्ती कार्यवाही करण्याचे निर्देश दिले.या परीसरात रब्बी हंगामात धान व मका या पीकाची मोठी लागवड करण्यात आली आहे.सद्या पीकाला पाण्याची गरज आहे.मात्र,मागील काही दिवसांपासून अंतरगाव विज उपकेंद्रातील बिघाडामूळे कृषीपंप निकामी होत पीके करपण्याचा धोका निर्माण झाला.समस्येची जाण होताच आमदार रामदास मसराम यांनी उपकेंद्राला भेट देत परिस्थितीची पाहणी केली.यावेळी त्यांनी विद्युत वितरण कंपनीच्या अधिकाऱ्यांशी चर्चा केली.तसेच मुख्य अभियंता यांच्याशी भ्रमणध्वनीवर संपर्क साधून त्वरित उपाययोजना करण्याच्या सूचना दिल्या व वीजपुरवठा पूर्ववत सुरळीत सुरू करण्याचे निर्देश दिले.तसेच शेतकऱ्यांच्या अडचणी लक्षात घेऊन कामात कोणतीही दिरंगाई होऊ नये,असे सांगितले.या प्रसंगी माजी जिल्हा परिषद उपाध्यक्ष जीवन पाटिल नाट,माजी पंचायत समिती सभापती गिरिधर तितराम,माजी नगरसेवक उस्मान पठान,भावेश मुंगनकर,रवि राउत,डोमा जमदाळ, मुकुंदा नहामुरते,बिनविसार पगाडे,गजेंद्र दरवडे,प्रल्हाद दरवडे,ज्ञानेश्वर मसराम,चेतन मेश्राम,महादेव नागोसे, खुशाल नहामुरते,सुशील कन्नाके,भजन जमदाळ,दिवाकर मारगाये यांचेसह स्थानिक शेतकरी व परिसरातील नागरिक मोठ्या संख्येने उपस्थित होते.

• मिथुन मुरकुटे,उपविभागीय अभियंता,विद्युत वितरण कंपनी कुरखेडा👇

शेतकऱ्यांची होणारी अडचण लक्षात घेत बिघाड निर्माण झालेल्या ट्रान्स्फार्मरची‌ दुरुस्ती करण्यात आलेली आहे व सद्या टेस्टिंग सुरू आहे.आज रात्री वा उद्या मंगळवारला विद्युत भार ट्रान्सफॉर्मरवर टाकत पूर्ण क्षमतेने ट्रान्सफॉर्मर कार्यान्वीत करण्यात येईल.