आज मुख्यमंत्री देवेंद्र फडणवीस नागपूरहून गडचिरोलीत..

गडचिरोली :-राज्याचे मुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस आज,शनिवार ८ नोव्हेंबरला नागपूरहून दुपारच्या सुमारास गडचिरोलीत दाखल होणार आहेत.फडणवीस हे आज सकाळी साडे दहा वाजता नागपूरच्या रेशिमबाग येथील महर्षि व्यास सभागृह,स्मृतिमंदिर परिसरातील संस्कार भारतीची अखिल भारतीय वार्षिक सर्वसाधारण सभेस उपस्थित राहून तेथील कार्यक्रम आटोपताच दुपारी १:२० वाजता गडचिरोली जिल्ह्याच्या सिरोंचा तालुक्यातील राजेश्वरपल्ली चेक येथील रुबी हॉस्पीटल अँड वेलनेस प्रा.लि.च्या हॉस्पीटल आणि कॉलेज कँपसचे भूमिपूजन करणार आहेत.त्यानंतर दुपारी २:४५ वाजता अहेरी तालुक्याच्या महिला व बालरुग्णालयाचा लोकार्पण सोहळा पार पडतील व सायंकाळी ७:३० वाजता खासदार सांस्कृतिक महोत्सव,ईश्वर देशमुख महाविद्यालय,क्रीडा चौक,नागपूरकडे प्रयाण करणार आहेत.