नाट्यश्री मासिक कविता स्पर्धेतील तृतीय सत्राचा निकाल जाहीर.. – आरमोरीच्या सुजाता अवचट,तर गडचिरोलीचे राजेंद्र सोनटक्के व पुरुषोत्तम दहिकर विजयी..

गडचिरोली :-स्थानिक नाट्यश्री साहित्य कला मंच गडचिरोलीच्या वतीने मासिक उत्कृष्ट कवी व कविता हा नविन उपक्रम सुरू करण्यात आलेला आहे. त्यानुसार दर महिन्याला ही स्पर्धा विनाशुल्क घेण्यात येते.या उपक्रमांतर्गत कवींना दिलेल्या विषयांवर कविता सादर करायची असून या कवितांमधून तीन उत्कृष्ट कवितांची निवड करण्यात येते.या कवितांना मासिक सर्वोत्कृष्ट कविता व कवीला सर्वोत्कृष्ट कवी म्हणून पुरस्कृत करण्यात येते.कविता संवर्धन व वाचनसंस्कृती जोपासणे हा स्पर्धेमागचा उद्देश असल्याने पुरस्कृत कवींना पुरस्कार म्हणून पुस्तके व आकर्षक प्रमाणपत्राने नाट्यश्री वार्षिक महोत्सवात मान्यवरांस गौरविण्यात येते.

या उपक्रमाचे तृतीय सत्र नुकतेच पार पडले असून या सत्राकरीता मराठा आंदोलन,गणेश वंदना,तसेच मातृशक्तीचा जागर,असे तीन विषय देण्यात आले होते. यात २८ कवींनी सहभाग नोंदवून दिलेल्या तीन विषयांवर एकूण ५६ कविता सादर केल्या होत्या.या स्पर्धेचा निकाल नुकताच जाहीर करण्यात आला असून आरमोरी येथील सुजाता एन.अवचट यांच्या मराठा आंदोलन या विषयावरील मराठा आरक्षण या कवितेस,गडचिरोली येथील ज्येष्ठ कवी राजेंद्र यादवराव सोनटक्के यांच्या गणेश वंदना या विषयावरील जय गणेशा या कवितेस व पुरुषोत्तम दहिकर यांच्या मातृशक्तीचा जागर या कवितेस सर्वोत्कृष्ट पुरस्कार घोषित करण्यात आले आहे.असे नाट्यश्रीचे संचालक तथा नाटककार चुडाराम बल्हारपुरे व कविता विभाग प्रमुख योगेश गोहणे यांनी कळविले आहे.या स्पर्धेचे परिक्षण प्रसिद्ध समीक्षक प्राचार्य डॉ.श्याम मोहरकर चंद्रपूर,प्रसिद्ध संशोधक प्रा.डॉ.जनबंधू मेश्राम व कविता विभाग प्रमुख योगेश गोहणे यांनी केले आहे.

कवींच्या या यशाबद्दल नाट्यश्रीचे प्रा.‌अरुण बुरे,दादा चुधरी,दिलीप मेश्राम,प्रा.यादव गहाणे तसेच नाट्यश्रीच्या सदस्यांनी त्यांचे अभिनंदन केले आहे.या स्पर्धेत प्रामुख्याने खेमदेव हस्ते,अशोक कांबळे,आत्माराम विठ्ठल बरडे,कृष्णा कुंभारे,बाबुलाल राठोड, डॉ.चंद्रकांत लेनगुरे, समृध्दी पाथर,संजय कुनघाडकर,नथ्थुजी चिमुरकर, यामिनी मडावी,सुरेखा बोरकर,पुरुषोत्तम दहिकर,सुनील बावणे,वंदना मडावी, केवळराम बगमारे,रोशनी दाते,उकंडराव नारायण राऊत,शैला चिमड्यालवार, पी.डी.काटकर,सोनाली रायपुरे-सहारे,राजेंद्र यादवराव सोनटक्के,डॉ.केशनी हटवार,वंदना सोरते,हरिष डी.नैताम, मधुकर दुफारे, सुजाता अवचट,प्रा.सरिता बुटले,वसंत चापले इत्यादी कवींनी सहभाग नोंदविला होता.या पुरस्काराचे वितरण नाट्यश्रीच्या पुढील वार्षिक कार्यक्रमात करण्यात येणार असल्याचे नाट्यश्रीचे संचालक तथा नाटककार चुडाराम बल्हारपुरे यांनी कळविले आहे.