‘गैरहजेरी वरून मुजोरी’ वरिष्ठांकडे तक्रार केली म्हणून चक्क वन कर्मचाऱ्यांनी आपल्याच अधिकाऱ्याला धुतले..!

गडचिरोली :-जिल्ह्याच्या कोरची तालुक्यात नुकताच ‘गैरहजेरी वरून मुजोरी’ करणारा प्रकार उघडकीस आला आहे.चक्क वन कर्मचाऱ्यांनी आपल्यापेक्षा वरिष्ठ दर्जाच्या राऊंड ऑफिसर म्हणजेच वनक्षेत्र सहाय्यकास चांगलेच धुतले.महत्वाचे म्हणजे,राऊंड ऑफिसरने वनउपज तपासणी नाक्यावर कार्यरत असणारे वन कर्मचारी मस्टरवर नामधारी सही करून गायब राहत असल्याची तक्रार वनपरिक्षेत्र अधिकाऱ्यांकडे केली होती.त्याचाच राग अनावर झाला आणि दणका दिवाळी भेटल्याची माहिती आहे.प्रकरणी राऊंड ऑफिसरने वरिष्ठांकडे तसेच कोरची पोलीस ठाण्यात तक्रार दाखल केल्याने प्रकरणास वाचा फुटली.केलेल्या मारहाणीत राऊंड ऑफिसर संतोष देगावे गंभीर जखमी झाले.

कोरची तालुक्यातील बोटेकसा वनउपज तपासणी नाक्यावर मार्गावरून वाहतूक केल्या जाणाऱ्या वाहनांची तसेच त्यातील साहित्यांची तपासणी करण्याकरीता वनरक्षक पवार,बोरकुटे,कामकाखे आणि एक रोजंदारीवरील चौकीदार अश्या चार जणांची नियुक्ती करण्यात आली आहे.या चारही जणांवर देखरेख ठेवण्यासाठी राऊंड ऑफिसर संतोष देगावे यांना नियुक्त करण्यात आले.देखरेख प्रसंगी बरेचदा वनरक्षक पवार, बोरकुटे व कामकाखे एकावेळी कधीही उपस्थित राहत नसल्याचे आढळून आले.मात्र,उपस्थित न राहताच मस्टर(हजेरीपट)वर सही करून मोकळे होतात.त्यामुळे राऊंड ऑफिसर यांनी त्यांचे वरिष्ठ वनपरिक्षेत्र अधिकारी यांचेकडे सदरची माहिती तसेच काढलेली फोटो पाठवली.सदर प्रकाराची माहिती तिन्ही वनरक्षकांना झाली आणि दिवस उजाळण्याची वाट बघितली.तोच ताव खाल्लेल्या वनकर्मचाऱ्यांनी मनातील इच्छा पूर्ण करून ‘गैरहजेरी वरून मुजोरी’च करून टाकली.