युवाकवी प्रभाकर दुर्गे उत्कृष्ट कवी पुरस्कारने सन्मानीत…

गडचिरोली :-नाट्यश्री साहित्य कला मंच गडचिरोलीच्या वतीने मागील वर्षात पार पडलेल्या आठवड्याचे उत्कृष्ट कवी सत्रात आठवड्यातील उत्कृष्ट कवी म्हणून मुलचेरा तालुका अंतर्गत येणाऱ्या अडपल्ली चक येथील कवी प्रभाकर देविदास दुर्गे यांची निवड करण्यात आली होती.त्यानुसार नुकतेच नाट्यश्रीचे सर्वेसर्वा लेखक,नाटककार चुडाराम बल्हारपुरे आयोजित पुरस्कार सोहळा तसेच ‘जत्रा घडली नागोबाची’ या नाट्य पुस्तकाचा प्रकाशन सोहळा तसेच कविसंमेलन सोहळा पार पडला.या भव्य दिव्य कार्यक्रमाच्या आयोजित पुरस्कार सोहळ्यात कवी प्रभाकर दुर्गे यांना उत्कृष्ट कवी पुरस्कार नाट्यश्रीच्या मंचावर उपस्थित मान्यवर डॉ.बळवंत भोयर प्रसिद्ध साहित्यिक रंगकर्मी तथा समीक्षक नागपूर,प्रा.शाम मोहरकर प्रसिद्ध साहित्यिक रंगकर्मी तथा समीक्षक चंद्रपूर तसेच साहित्यिक तथा रंगकर्मी,पोलिस उप अधिक्षक नागपूर पांडुरंग सोनवणे व उपस्थित मान्यवरांच्या हस्ते पुरस्कार प्रदान करण्यात आला.कवी दुर्गे यांनी तिसऱ्या सत्रात स्वरचित कविता सादर करत उपस्थित साहित्यिक तसेच रसिकांची मने जिंकली होती.प्रसंगी पार पडलेल्या सोहळ्यात प्रमाणपत्र देऊन सत्कार करण्यात आला.पुरस्कार तथा सत्काराबद्दल आप्तजन,साहित्यिक,मित्रपरिवारांसह

गाववासीयांकडून अभिनंदनाचा वर्षाव होत आहे.